Skip to main content

Oqalutsit nutserisullu peqatigiiffiannik pilersitsisoqartoq

Oqalutsit nutserisullu ilinniagartuut peqatigiiffimmik pilersitsisimapput, ilaatigut oqalutsinut nutserisunullu ilinniagartuunut ataatsimoorfiunissaq, ilinniagaqaqatigiittut aammalu soqutigisaqaqatigiittut siuarsaanissaq siunertaralugu.

Peqatigiiffiup nutaap taaguutigaa, Oqalutsit Nutserisullu Ilinniagartuut Peqatigiiffiat, ONIP, pilersitsinermilu Aqqaluk Lynge Egede siulittaasutut toqqarneqarsimalluni.

- ONIP-ip oqalutsinut nutserisunullu ilinniagartuunut ataatsimoorfiunissaq, ilinniagaqatigiittut
aammalu soqutigisaqatigiittut siuarsaanissaq siunertarai. Nunatsinni oqalutsit nutserisullu
tamarmik atugarisaat siuarsarnissaat aamma siunertarineqarpoq. Taamatuttaaq nutserinermi
oqaluttaanermilu atugarineqartut paasineqarluarnissaat aammalu suleqatigisat attuumassutillit
suleqatigiinnerulernissaat siunertaallutik. Tamakku saniatigut nutserinermi oqaluttaanermilu
suliat pitsaassutsikkut qaffasinnissaat ONIP-imut pingaaruteqarpoq, peqatigiiffik tusagassiorfinnut nalunaaruteqarluni ilisimatitsivoq.

Immikut ittumik isumaqatigiissuteqarnissaq

ONIP-imit erseqqissaassutigineqarluni oqaatigineqarpoq, ”Ilisimatusarfimmi oqalutsitut nutserisutullu ilinniarneq siusinnerusukkut oqalutsinngorniarluni ilinniagaqarsimanernit, soorlu NI-mi aamma Sisimiuni Oqaatsinik Pikkorissarfimmi ilinniagaqarsimanernit allaaaneruvoq. Tamanna pissutigalugu ONIP-ip oqalutsinut nutserisunullu Ilisimatusarfimmi ilinniarsimasunut immikkut isumaqatigiissutiliornissaq sulissutigissavaa, tamatumunngalu atatillugu peqatigiiffipput sinnerlugu sulisartut peqatigiiffiannik isumaqatiginninniarsinnaasumik suleqatissarsiorpugut”.

Siulersuisunngortuni ilaasortat allat tassaapput, siulittaasup tullia: Kikkik Olsen, aningaaserisoq: Pernille Kristensen, allatsi: Sorlannguaq Petersen, ilaasortat: Ittukusuk Fisker aamma Nikolaj Olsvig, sinniisussat: Marianne Løvstrøm aamma Paninnguaq Kristiansen.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER