Oqaloqatigiinnertalimmik ataatsimiinneq: Egedep eqqaassutissaa qattunerup qaavaniiginnassaaq
Ataasinngormat Katuami unnukkut oqaloqatigiinnertalimmik ataatsimeeqatigiittoqarmat innuttaasut 60-it peqataasimapput, tassani eqqaassutissaq uninngatiinnarneqassanersoq, imaanut iginneqassanersoq allatulluunniit pineqassanersoq oqaluuserineqarluni. Takkussimasut amerlanersaasa Hans Egedep eqqaassutissaata inigisaminiiginnarnissaa kissaatigaat.
Inuusuttut utoqqaallu ataasinngormat unnukkut arfineq-marlunut Nuummi kulturikkut illorsuarmi Katuami ataatsimeeqatigiipput, Hans Egedep eqqaassutissaata oqallisaaqisup nuutoqqami qaqqajunnap qaavaniittoq pillugu isummaminnik saqqummiiniarlutik.
Unnuk aallarnerlugu Hans Egede pillugu oqaluttuartoqarpoq, tassa kinaanersoq, qanga nunatsinnut tikissimanersoq aamma sooq Kalaallit Nunaanniiginnarsimanersoq pillugu oqaluttuartoqarpoq. Tamanna pereermat ataatsimiinneq aallartinneqarpoq, takkussimasut eqimattanut agguarneqarpoq, taakku eqqaassutissaq nuunneqassanersoq nuunneqassannginnersorluunniit oqallillutillu tunngavilersuumminnik saqqummiussisimallutik.
Kommuni naapertorlugu eqimattannngorlugit oqallitsitsinermi siunertarineqarsimavoq, kikkut tamarmik oqaaseqanissamut periarfissaqartinneqarnissaat. Eqimattat suliaqareermata, tunngavilersuutigineqarsimasut assigiinngitsut saqqummiunneqarlutillu oqaluuserineqarsimapput.
Takkussimasut arfinilerarterutaasa nuunneqarnissaa kissaatigisimagaat
Isiginnissimatu naapertorlugit, amerlanerussuteqarluartut eqqaassutissap inissisimaffimmiiginnarnissaa kissaatigisimavaat.
Kommunip taasisitsinera aamma taamatut isikkoqarpoq. 425-t Hans Egedep eqqaassutissaata nuunneqarnissaanik taasisimapput, 769-illu tamatumunnga akerliusimallutik. Marlunngornermi unnukkut nalunaaqutaq 23.59-ip tungaanut taasisoqarsinnaavoq.
Taasisimanerit amerlassusaat taamatut isikkoqaannassappat, pisoq, innuttaasut peqataatinneqarnerat, oqaloqatigiinnertalimmik ataatsimeeqatigiinnermi tunngavilersuutigineqartut atsiornernillu katersisimanerit pillugit suliarineqarsimasut Aningaasaqarnermut Ataatsimiititamut kommunalbestyrelsimullu saqqummiunneqassapput. Tamatumanili eqqaassutissaq nuunneqassanersoq isummerfigitinneqassanngilaq.
DMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...