Skip to main content

Oqallitsitsisut: Akerliussutsimik takutitsinermi peqataagitsi

Inuiaqatigiinni pisoqartillugu oqallitsitsinermik aallarniisartut Maasi Pedersen aamma Eqaluk Høegh Naalakkersuisunut nalunaaqutaq 16:30 akerliussutsimik takutitsisoqalerpat innuttaasut peqataaqqullugit kaammattuuteqarput.

- Qasusooqqasoqarpoq, isumaqaraanni tupat, imigassat sukkullu akitsuusernerisigut torrallaasoqartoq.

Maasi Pedersen, rappertartoq oqallitsitsisartorlu immiussami, Facebookikkut maanna ingerlaartinneqartumi taama oqarluni aallartippoq.

Immiussaq inunnit 645-nit qisuariarfigineqarsimavoq, 1.100-niillu siammarneqarsimalluni.

- Akitsuutit ippassaq atulersinneqarput, taava ullumikkorpiaq pisiniarfiit oqarput, sukkut, tupat imigassallu akitsornerasigut nioqqutissat allat akitsussapput. Tassa neqit, ullaakkorsiutit, iffiat, qallersuutissat. Ulluinnarni inuuniarnitsinni atukkagut akitsorneqassapput, Maasi Pedersen oqarpoq.

Akitsuutit Inatsisartuni amerlanerussuteqartunit ippassaq akuerineqartut pillugit isornartorsiuingaatsiarpoq. Immiussami peqataavoq naalakkersuisumut allattaasimasoq, oqallitsitsisartorlu Eqaluk Høegh. Taassuma Naalakkersuisut aamma isornartorsiorpai.

- Aqutsineq imaattoq unittariaqalerpoq. Ullaakkut isumassarsigaanni, unnuami aalajangipallattarlugu. Inuiaqatigiinnut sunniutilerujussuarnik aalajangiiniaraanni, piffissaq kingulleq atorlugu imannak aalajangeriataartarneq, unittariaqarpoq, Eqaluk Høegh oqarpoq.

Eqaluk Høegh aamma Maasi Pedersen innuttaasunut kaammattuipput politikerinut nalunaaqutaq 16:30 akerliussutsimik takutitsisoqalerpat peqataaqqusillutik.

Immiussaq uani takujuk:

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER