Oqallissaarut: Sanaartugassat 28-t akornuserneqariaannaasut

Sanaartugasst 28-t ukioq manna ingerlateqqinneqanngitsoorlutilluunnii naammassineqanngitsoorsinnaapput.

Oqaluuserisassani Kommuneqarfik Sermersuumi Inuussutissarsiornermut Aningaasaqarnermullu Ataatsimiititap sisamanngorpat maajip 14-iani isummerfigisassaani tamanna takuneqarsinnaavoq.

Sanarfinermut Avatangiisinullu Ataatsimiititami politikkerit 26 millioner koruunit missaannik sipaaruteqarnissaq inassutigisimavaat, taakkua coronap kommunimut ajornartorsiortitsinerani immikkut ittumik akiligassanut matussutaassaapput.

Ilaatigut nunaminertamik sanaartorfiusinnaasumik niueruteqartarneq tassani akornuserneqarsinnaavoq. Nuussuup Mannguani sammisassaqartitsivissaq, qulliit kanaartassaannik ikkussuinissaq, Annersuarmi meeraaqqat aneerussiviisivissaannik pilersitsinissaq, Kuummiuni ivigaasaaqqanik arsaattarfiliornissaq, Katuamik nutarterinissaq Tasiilamilu nutaanik inissialiornissaq, innuttaasut qanimut tikillugit suliassat ilaminiinnaraat kinguartinneqarsinnaasut taamaativiinnarneqarsinnaasulluunniit, tassa aappaagumut missingersuutit suliarineqarneranni.

- Sanaartugassanut tunngatillugit sipaaruteqarniarnermi ilaatigut pineqarput isumaqatigiissutit suli pituttorneqanngitsut imaluunniit aningaasaliiffigineqarsimanngitsut, aningaassaqarnermut ataatsimiititamut oqallissaarummi ilaatigut allassimavoq.

Sanaartugassat sipaarniarfigineqartussatut siunnersuutigineqarsimasut allattorsimaffii:

Nutaarsiassat

Tasiilami anorersuarnissaanik aarlerisaarut

DMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...

Snow Fest-imi iluatsilluartumi nutaaliorsinnaaneq nuannaarutigineqarpoq

Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...