Skip to main content

Oqallissaarut: Kikkut kalaaliuppat?

Kalaallit inuiaat kikkunnut tunngassuteqarpat? Apeqqut tamanna Inatsisartut ukiakkut ataatsimiinnerminni oqaluuserissavaat.

Kalaallisut kinaassutsip erseqqissaaffigineqarnissaa pingaaruteqarpoq, kikkullu kalaaliunersut oqallisigineqartariaqarluni, taamatut isumaqarput Partii Naleqqameersut.

Partiimit taamaammat ukiakkut ataatsimiinnermi tamanna apeqquteqaat aallaavigalugu oqaluuserisassanngortinneqarsimavoq, qulequtaralugu: Kikkut kalaaliuppat – kalaallisut kinaassuseqarneq qanoq paasineqartarpa?

Pele Broberg Partii Naleqqameersoq apeqquteqaatit aallaavigalugit oqallisissiamik saqqummiussisuuvoq, Brobergilu naapertorlugu tamatuma oqallisigineqarnissaa pingaaruteqarpoq:

Namminiilivinnissamut attuumassuteqartoq

- Apeqquteqaammut oqittumik akissutaasinnaasumik nassaassaqarunanngilaq, qulequtsiunneqartup misigissuserpassuavut imaannaanngitsut qaffakaatissinnaagunarpai.

- Oqallisissiamik taamaattumik saqqummiussaqarnikkut avissaartuuttitsinissaq siunertarinngilara, kisiannili kissaatigaara, eqqarsaasersuutaasinnaasut piviusorsiortut oqallisigalugit aallarteriissasugut, piffissammi arlaani kalaallit uagut ataatsimoortumik inatsisitigut tunngavissarput isummerfigisussaavarput namminiilivinnissarpullu taasissutigalugu, skriver Pele Broberg siunnersuumminut tunngaviusoq pillugu allappoq.

Pele Broberg isumaqarpoq, apeqqut naalakkersuinikkut qaqikkumaneqanngitsoq, kikkut imminnut kalaallisut taaneqarsinnaanersut maannakkorpiaq ersernerlummat:

Aalajangersaanissamik siunnersuut

- Inuiaat kalaallit naalagaaffiannik pilersitsinikkut inuiaassuseqalernissatta tungaanut kinaassutsimik pilersitsisariaqarpugut nunarsuarmioqatigiinnit ilisimaneqartumik. Soorlu aamma danskit Danmarkimiittut, svenskit Sverigemiittut, taava uagut namminneq kina ”kalaaliunersoq” aalajangersartussaavarput, Pele Broberg allappoq.

Politikkeri kikkut kalaaliunersut pillugu nammineq siunnersuuteqarpoq:

- Angajoqqaavit arlaat nunatsinni inunngorsimappat aammalu taakkua angajoqqaavini ataaseq nunatsinni inunngorsimappat taava ilimagissavat ILLIT aamma kalaaliugavit, Pele Broberg allappoq.

Pilersaarut naapertorlugu Inatsisartuni tamanna oktobarip 27-ani oqallisigineqassaaq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER