namminiilivinneq
Oqallissaarisartoq: Inatsisinik tunngaviusussanik suliaqartoqalernera sianiilliornerusoq
Kalaallit Nunaat Danmarkimit avissaassagaluarpat, tamanna innuttaasunut qanoq kinguneqassava? Namminiilivinnerup kingunerisassaannik suli naatsorsuisoqanngitsoq inatsisinik tunngaviusussanik suliaqartoqalernera sianiilliornerusoq, oqallissaarisartoq Nauja Lynge oqarpoq
Isumaqarpunga ministeriunerup akuliunnera, tassa silatusaaqqusillunilu piviusunik misissueqqusinera piffissaliunneqartup naangajalernerani saqqummiunneqartoq. Inatsisit tunngaviusut Kalaallit Nunaanni akuersissutigineqassappata naalagaaffiup tapiissutai ikiliartortinneqalissapput, Nauja Lynge aviisimut oqarpoq.
Folketingimi ilaasortat namminiilivinnissaq sapaatip akunnerani kingullermi oqallisigaat.
Tusarnaartut issiavigisartagaanni, naalagaaffeqatigiinnermik illersuilluni ikumatitalisaarluni ingerlaaqatigiinnermik suliniuteqartuusoq, Jairus Lyberth tusarnaartut ilaagaat. Taanna Danmarkimi ukiuni kingullerni 20ni najugaqarsimavoq.
Taassuma avissaarnissamut taarsiullugu Danmarkimut atassuteqarnissaq ataatsimoornissarlu ilimanaateqarnerujussuusorai.
- Ministeriuneq Lars Løkke Rasmussen isumaqatigaara oqarmat, namminiilivinnis samik anguniagaqarnerup aningaasatigut kingunerisassaanik naatsorsuineq amigaataasoq. Nunatsinni politikerit naatsorsuisoqartariaqarneranik pisariaqartitsisoqarnera ilisimagaat qularutiginngilara, taamaattorli allaannginnami innuttaasut akornanni misigissutsit sakkortuut kisiisa oqallisigerusukkaat. Kisianni ilimagaara oqallinnermi piviusorsiortoqarnerulerlunilu pissutsinik piviusunik saqqummiussuisoqarnerulerumaartoq, Jairus Lyberth oqarpoq.
Allaaserisaq tamakkerlugu Sermitsiami ullumi saqqummertumi atuaruk: