Skip to main content

Oqallisissiaq: Siunissami angallannikkut attaveqaatit qanoq pilersinneqassappat?

Ineqarnermut, Sanaartornermut Attaveqaqatigiinnermullu Naalakkersuisoq, Knud Kristiansen, isumaliutersuut nutaaq aqqutigalugu nunatsinni siunissami angallannikkut attaveqaataalersussat pillugit oqallinnermik pilersitsiniarpoq. Pilersaarusiamik ukiakkut ataatsimiinnermi saqqummiussiniarluni oqarpoq

Nunarput ilusialu attaveqaatitsinnik ilusiliinissamut annertuunik ajornakusoortunillu piumasaqaateqarfiummata isertuussaanngilaq. Taamaattumik Ineqarnermut, Sanaartornermut Attaveqaqatigiinnermullu Naalakkersuisoq, Knud Kristiansen, angallannikkut attaveqaatitigut sapinngissamik pitsaanerpaamik aaqqiinissaq siunertaralugu suliassanut attuumassuteqartunik akuutitsiniarpoq.

Knud Kristiansen isumaliutersuutimini ima allappoq:

Attaveqaatit atuuttut pitsaapput, innuttaasutassartuussinermi,nassiussalerinermi nalunaarasuartaateqarnermilu pilersorneqarmata, kisiannili angalariaatsit nutaat, ineriartortitsiviusinnaasut atorneqanngitsut aammalu aaqqiissutissanik pitsaasunik pisariaqartitsinerit tikikkuminassusermut ataqatigiinnermullu nutaanik arlalinnik isumallualersitsipput, tamakkulu uanga Ineqarnermut, Sanaartornermut Attaveqarnermullu Naalakkersuisutut naammassiniarlugit sulissutigerusuppakka.

Tamatuma saniatigut naalakkersuisooqatigiinnissamut isumaqatigiissummi nutaanik mittarfiliortiternissamik anguniakkat qanoq ililluni pitsaanerpaamik piviusunngortinneqarsinnaanerat sulissutigerusuppaa.

Pilersaarut anguniagaqarfiulluartoq soorunami pilersaarusiornissaq, aningaasalersuinissaq tulleriiaarinissarlu eqqarsaatigalugit annertoorsuarmik pilersaarusiugassaavoq. Pilersaarusiorneq taanna piffissami tulliuttumi pingaartittorujussuussavara, taamaalillunga 2015-imi ukiakkut ataatsimiinnermi nunatsinni silaannakkut angallassinermi attaveqaatit ineriartortinnissaannut suliassat ingerlanissaannut pilersaarummik aalajangersimasumik saqqummiisinnaassagama.

Immikkut ilisimasalinnik ujartuineq

- Anguniagaq taanna pitsaanerpaamik iluatsissappat, suliassanut attuumassuteqartut tapiisussallu tamarmik suliamut akuutinnissaat pingaartittorujussuuara. Siunissamut attaveqaatinik pilersaarusiornikkut aaqqiissutissanik pitsaanerpaanik, eqaannerpaanik aningaasalersuinikkullu iluanaarnarnerpaanik toqqaanissatta attatiinnarnissaa pingaaruteqarpoq, Knud Kristiansen nangilluni allappoq.

Oqallinneq

Assartuussinermi aaqqiissutissanik kattussinissaq siunissami attaveqaatinut ilanngullugit eqqarsaatigineqarnissaannut aamma ammaffiginnippoq.

- Assartuussinermi aaqqiissutissanik kattussinissami pingaartumik umiarsuit angallannerinik, silaannakkut angallannermik aqqusinertigullu assartuussinermik kattussinissamut periarfissat eqqarsaatigaakka.

- Ataatsimoorluta aammalu aningaasaqarnikkut periarfissat tunngavigalugit nunap immikkoortuini siunissami attaveqaatinut kissaatitta naatsorsuutigisattalu ersarissarnissaat pingaaruteqarpoq, naggasiivoq.

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER