ujaasineq
Oqaatsut eqqaanni aalisartoq periarfeerunneqarpoq
59-inik ukiulik Elias "Varaq" Fleischer sapaatip akunnera ataaseq tammaaneqarpoq
Ilulissani politiit 59-inik ukiulik Elias "Varaq" Fleischer ujaaraat.
Elias Fleischer kingullermik takuneqarsimavoq oktobarip sisamaanni 2016, Ilulissat avannaani nunaqarfiup Oqaatsut avataani umiatsiaaqqamik aalisartoq, Qaasuitsumi politiit Ilulissani qullersaqarfianni ingerlatsinermut pisortaq Sebastian Bech paasissutissiivoq.
Tamatuma kingorna Elias Fleischer takuneqarsimanngilaq, annertuumillu ujaasisoqarsimagaluartoq suli nassaarineqanngilaq. Taamaattumik politiit Elias Fleischerip nassaariniarnerani innuttaasut ikiortiseraat.
Elias "Varaq" Fleischerip umiatsiaaraq angallatigisaa:
– Umiatsiaraaq Q-17 qaqortumik qalipaatilik, umiatsiaaqqani"Poca"-ni atorneqartartumik mikisumik hardtop-ilik qaava aappalaartumik qalipaatilimmik
– Aquuteralaa Yamaha 115 hk
Ilulissani politiit innuttaasunik, ujaarineqartumik sumiissimasinnaaneranillu paasissutissiisinnaasunik, tusagaqarusupput.
Ilulissani politiit attavigineqarsinnaappu telefonnormu 70 14 22-mut sianerluni.