Oqaaseqartartumit aallarnisaasumut
Christina Johnsenip politikkikkut torrallaaniunnersuaq qatsukkamiuk aallarnisaasunngorpoq.
Siorna 3. marts Christina Johnsen inuit innarluutillit illersuisoqarfianni Tiliumi illersuisutut soraarniuteqarpoq. Inuit pisinnaatitaaffiinik illersuisunik ataatsimoortitsilernissamik Naalakkersuisut siunnersuutaat naammagittaannarsinnaajunnaartitsivoq.
Aviisi Sermitsiaq allappoq.
Tamanna Christina Johnsenip atorfimmi toqqagaaqqinneranit ukiup affaa qaangiutiinnartoq pivoq, suliffissaminillu allamik sillimmateqanngilaq.
Billersuarnut allagartaq
- Imaannaanngeqaaq, sullitakkami uummateqarfigaakka. Immaqa ima sakkortutigisumik allaat naggataagut nukissaarullunga. Nalunaarusiavut, misissoqqissaakkavut, kaammattuutivut suliniutivullu tamatigut qulliunerusunit alaannarneqartartillugit inuiaqatigiinni allannguisinnaaneq ajornartupilussuuvoq. Qasutaqaanga, aalajangernerali aalajangiusimavara. Suna inuussutigissanerlugu naluara, immaqa biilersuarnik ingerlatsisinnaanermut allagartartaarsinnarlunga aputaajaasartunngussaanga. Taamatummi sulinermi angusat erngertumik takuneqarsinnaasarput, Christina Johnsen Facebookimi allappoq.
Nivattaassuilli ukiualunni suli utaqqeqqaartariaqarput – nukinnimmi katersereernermi kingorna siunnersuisarfik Saninni Consulting aallartippaa, tassanilu inatsisilerinermut ilinniarsimasoq ilaatigut nunatsinni eqqartuussivinni illersuisuusinnaanermik, inuit pisinnaatitaaffiinut apeqqutit pillugit pikkorissaasarnissamik siunnersuisarnissamillu neqerooruteqarpoq.
Allaaserisaq tamaat uani Sermitsiami pisiarisinnaasanni atuaruk: