Oqaaseqartartoq: Siulersuisut pilliutigineqartutut inissittut

Isumaqatigiissutip nutaap saqqummiunneqarnerata kingorna isornartorsiuinermut PK-mi siulersuisut ilaasortaminnut allakkani akissuteqarput. Siulersuisuni ilaasortat aalajaatsuunerusariaqartut Anna Wangeheim isumaqarpoq

: Anna Wangenheim ilaasortarpassuarnut naammaginninngitsunut oqaaseqartartutut atuuppoq. Isumaqatigiissummut nutaamut naammaginningatik Facebookimi qupperniliorsimapput 100-it sinnerlugit ilaasortaqarluni.

Peqqissaasut isumaqatigiissutiminnut nutaamut naammaginninngitsut sapaatip akunnerani kingullermi Sermitsiap oqaluttuaraa. Tamanna ilaatigut kinguneqarpoq PK-mi siulersuisunit ilaasortaminnut allagaqarnerannik, tassanilu isornartorsiutit arlallit akissuteqarfigineqarlutik, peqqissaasut naammaginninngitsut oqaaseqartartuata Anna Wangeheimip siulersuisunut allakkiaanut tunngasut.

Siulersuisut allakkiuaminni ilaatigut erseqqissarpaat atorfiit tamarmik, ikittoralaannguit pinnagut, tunngaviatigut pitsanngortinneqartut, namminersorlutik oqartussat tapinut akissarsianullu tunngatillugu assingiissaarinissaq atuutsileraat kiisalu akissarsiat appartinneqassanngitsut.

Naammagisimaanngikkaat

Anna Wangenheim ilaasortallu oqaaseqartartuuffigisaasa PK-mi siulersusut suli naammagisimaanngilaat.

- Siulersuit namminersorlutik oqartussanit nikeriarsinnaajunnaartitaasimanertik oqaatigaat. Pilliutiginaqartutut inissittarneq kattuffimmi ilaasortarpassuit soqutigisaannik suliaqarniarnermut ataneqartinneqartassanngitsut isumaqarpunga, Anna Wangeheim oqarpoq.

Aallaaserisaq tamaat Sermitsiami atuaruk – uani ataani linki aqqutigalugu aviisimut isissutissarsigit:

Powered by Labrador CMS