Skip to main content

Oqaaseqartartoq: Coronamut akiuussutissaq Kalaallit Nunaanni akeqassanngilaq

Danmarkimi naalakkersuisut coronamut akiuussutissamut atatillugu pilersaaruteqarput, maannamuugallartorli aalajangersimapput akiuussutissaq akeqassanngitsoq. Socialdemokraatit peqqissutsimut tunngatillugu oqaaseartartua naapertorlugu, neqeroorut Kalaallit Nunaannut Savalimmiunullu aamma atuutissaaq.

Coronavirusimut tuniluutipallattartumut akiuussutissaq piareerpat, kapitinniaraanni akiliisoqartariaqanngilaq. Danmarkimimi tamanut akeqanngitsumik tunniunneqartassaaq.

Taamatut oqaluttuarpoq Socialdemorkaatit peqqissutsimut tunngatillugu oqaaseqartartut Rasmus Horn Langhoff.

- Danskit tamarmik namminneq piumassutsiminnik akiuussutissamik akeqanngitsumik kapitinnissamut neqeroorfigineqassapput, taamaalilluta qulakkiissavarput akiuussutissamik kapitikkusuttut tamarmik akiuussutissalertinneqarnissaat.

- Illersuutissaqarnissamut aningaasat aalajangiisuussanngillat, Rasmus Horn Langhoff neqeroorut Kalaallit Nunaannut Savalimmiunullu aamma atuutissasoq erseqqissaasoq oqarpoq.

Akiuussutissaq qanittukkut piariingajalerunartoq

Akiuussutissaq coronavirusimut illersuutaasussaq piareeriaannaarpasippoq.

EU-Kommissionip siulittaasua Ursula von der Leyen naapertorlugu, akiuussutissat siulliit decembarip qaammataata affaani kingullermi EU-mi piareersimasinnaapput.

Nakorsaatiliorfiit arlallit EU-mit taamalu Danmarkimit pisiffigissallugit isumaqatigiissuteqarfigineqarsimasut angusaqarluarsimallutik kingullertigut nalunaarutigisimavaat.

Peqqissutsimut ministerip Magnus Heunickep (Soc) siusinnerusukkut erseqqissaatigisimavaa, Kalaallit Nunaat Savalimmiullu akiuussutissanik naalagaaffiup EU aqqutigalugu pisiarisimasaanik pissarsissasut.

Tassunga atatillugu nunatsinni nakorsaanerup Henrik L. Hansenip oqaatiginikuuaa, Kalaallit Nunaata Danmark EU-lu aqqutigalugit akiuussutissanik pissarsisinissaa pingaaruteqartoq, tassa Kalaallit Nunaata nammineerluni nakorsaatiliorfinnut isumaqatigiissuteqarsinnaanerata ajornarsinnaanera pissutigalugu.

/ritzau/

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER