Skip to main content

Oqaaseqaat: Folketingimi suliassat

Oqaaseqaateqartartoq Sten Lund uani allappoq folketingimut qinersineq sooq Kalaallit Nunaannut pingaaruteqarnersoq, aammalu sooq suleqatigiinnissaq sooq pingaaruteqarnersoq

Folketingimi suliassat suunuku?

Kingumut naalagaaffeqatigiinnitsinni qinersisartutut oqartussaaqataanerput qinersinikkut atortussanngorparput. Taassuma tungaanut ingerlanitsinni apeqqutit amerlasuut qaffakaajuarput.

Folketingi pineqartillugu inissaminiinnginnerluni Kunngeqarfiup iluani susassaqarfiit sammissallugit? Soorlu nunanut allanut attaveqarneq, illersornissaq, killeqarfinnik nakkutilliineq, inatsisinik atuutsitsineq eqqartuusiveqarnerlu.

Taakkunani suleqatigiinneq ilaatigut pitsaanerusumik ingerlanneqarpoq ilaaatigullu suli pitsaanerusumik suleqatigiiffiusinnaallutik. Taakkulu iluanni sullissinerit ulluinnarni eqqaanerluunniit ajukkavut.

Taakku saniatigut oqartussaaffinnik nunatsinnut nuussornikut iluanni, kiffartuussinerit nunatsinni suliarineqarsinnaanngitsut Danmark-imut suliaritittussanngorlugit imissutigisarpagut.

Peqqinnissaqarfimmi suliassat assigiinngitsut, soorlu suliaritinnerit, timikkut tarnikkullu katsorsartinneerit sungiusarfiit aammalu soorlu suliffinni peqqissutsikkut isumannaallisaanermi immikkut ilisimasaqarfik, suliffissaanermik sulitilluni ajoqqusersimaermi sillimmasiisarnermut tunngasunik suliaqartut.

Ilinniaqqiffiit amerlasoorpassuit inuusuttatta iluaqutigisaat avaqqunneqarsinnaanngillat, aammalu ukiuni kingullerni atuleriartuinnartoq nunatsinni Danmarkimi nunanilu allanik ilinniarfiit ilinniakkanik aalajangersimasunik suleqatigiillutik pilersitsisalernerat.

Ilisimatusarnikkut suleqatigiinnerit aammalu misissueqqissaarfiit tupinnaanartumik aningaasarpassuarnik naleqartunik, qanorluunnit ilioraluarutta nunatsinni pigilersinnaanngisagut ersinngitsuusaamik ilisimasatigut iluaqutigisarpagut.

Puuigussanngilarput nunanut allanut niueqateqarnerput, tammanna aatsaat pisinnaavoq nunanut allanut niueqatigiinnissamut isumaqatigiissuteqarsimanikkut. Isumaqatigiissutit taakku ilaaniippoq suliffeqarfitigut isumaqatigiissutit, pilersaarusiorluarnikkut nakkutiginninnissamik pisariaqartitsisut, tamanna pingaarluinnartuummat.

Tamakkorpassuit ataatsimut inuiaqatigiinnut sutigut tamatigut nalilersussagaanni imaannaanngitsorsuussaaq.

Tamakkuunnginnerlutik Folketing-imi sulinermi pingaarutilittut sammisassat? Sammisat Naalagaaffeqatigiinnerup iluani pilersaarusiorluakkamik suleqatigiiffissatut aallunneqartussat.

Apererusunnarpoq maannakkumut ilinniarsimassutsikkut inissisimanerpoq aallaavigalugu, naapertuutsissannginnersoq sulliveqarfiit ingerlatsiveqarfiillu ilinniarsimasunik nunatsinneersunik naammattumik inissaqalernissaasa tungaanut, Kunngeqarfiup iluani suleqatigiinnerup pitsaanerpaafimminiinissaa aallutissallugu?

Suliffeqarneq eqqartuleraangatsigut, amerlasuutigut eqqaasarparput unammillernarsinnaasut qanoq nuannaritiginerlugit. Apeqqulli unaannginnerpa unammilleqatigiinnermi sorleq anguniakkanik iluaqutissarsivissatut tulluunnerunersoq, akersuunikkut imaluunniit suleqatigiinnikkut?

Siunissami aaqqiissutissanik suleqatigiilluarnikkut ataatsimut pilersitseqatigiissinnaaneq suleqatigiinnut tamanut pissarsinarnerunerluni?  Tamanna pissusissamisoornerusutut isikkoqannginnerluni, akerleriinnikkut pisussaafilersornerminngaanniit?

Taammaassappat Folketing-imi ilaasortamut pisariaqassanerluni pitsaasunik uteriitsunillu siunnersorteqarnissaq, ilaasortaatut kivitsisinnaasut. Taamaasilluni ataatsimut takunnissinnaaneq aallavigalugu iliuuseqarnikkut Nunatsinnut Issittumullu pissutsinut sunniuteqaqataalluni?

 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER