Ooqattaasartartut kattuffiat: Ukaleq ooqattaasartartut pitsaanerpaat ilaanniippoq

Ukaleq Slettemark Schweizimi EM-imi unamminernut pingasunut pitsaasunut peqataavoq, Kalaallit Nunaanni sisoraaserluni ooqattaasartartut Kattuffiat taama ilisimatitsivoq.

Grønlands Biathlon Forbund Grønlands Biathlon Forbund Grønlands Biathlon Forbund Grønlands Biathlon Forbund Grønlands Biathlon Forbund Grønlands Biathlon Forbund

Ukaleq EM-ip ingerlanerani ooqattaasallaqqinnerit ilaanniittoq paasinarsivoq.

Schweizimi EM-imi Ukaleq Slettemarkip unamminerni pingasuni peqataaffigisaata kingorna, Kalaallit Nunaanni sisoraaserluni ooqattaasartartut Kattuffiat taama nalunaaruteqarpoq. Tassani takisuumut, sivinganertalikkut unammisoqarpoq, taamaattumillu kattuffik naapertorlugu World Cup Ruhpoldingimit pitsaanerusumik arpannissaq ajornakusoorneruvoq.

Ukaleq Slettemark unamminermi siullermi pallorluni ooqattaasarnermi uniunngilaq, nikuillunilu ooqattaasarnermi marloriarluni uniorpoq – tamannalu minutsinik marlunnik ilaneqaatigai. Tassanilu Slettemark unammisunit 94-nit 29-ulluni apuuppoq, tyskimit ajugaasumit Lisa Sparkimit minutsinik 3,42-nik kingulliulluni, taanna 20-nik eqquivoq. Akerlianik Ukaleq Slettemark Norgemi nunanit allanit unammisartunit pingasunit angusarissaarneruvoq.

Unamminermi allami Ukaleq Slettemark pallorluni ooqattaasarnermi aamma uniunngilaq, nikuillunilu ooqattaasarnermi uniorpoq. Arpaffimmi pitsaanerulaartumik ingerlasimavoq. Unammisuni 29-iulluni inisseqqippoq – ajugaasumit uniunngiivissumit Ukrainemeersumit Anastasia Merhushynamit minutsinik 1,31-nik kingulliulluni.

Nunarsuarmi pitsaanerpaanngornissamut alloriarneq

EM-imi arpannermi kingullermi ujakkaartartut angusaat malillugit aallartoqarpoq. Ukaleq Slettemark normu 29-ulluni aallartoq, Kalaallit Nunaanni sisoraaserluni ooqattaasartartut Kattuffiat ilisimatitsivoq. Taamatut unammineq taktikkimut tunngasorujussuuvoq, peqataasut utaqqisinnaajunnaartarput aallartinnermilu sukkavallaartumik aallartittarlutik, unamminerullu ingerlanerani unammillernartoqarsinnaasarluni, Ukaleq Slettemarkimut taamaanngilaq, taanna periutsimigut silatusaarluni 23-iulluni naammassivoq.

Marloriarluni unamminerup kingorna 30-eriarluni ooqattaasarnertalimmi Tysklandimeeersumit Selina Grotianimit minutsinik 3,07-inik taamaallaat kingulliuvoq.

Kalaallit Nunaanni sisoraaserluni ooqattaasartartut Kattuffiata nalunaarutaa malillugu Slettemarkimi unamminermi kingullermi taama sukkatigisumik ooqattaasartoqarsimanngilaq, unamminernilu pingasuni ooqattaasarnermi piffissat atorneqartut katikkaanni sukkanerusoqanngilaq. Ooqattaasarnerni katillugit aqqaneq-marluusuni 60-inik ooqattaasarnertalimmi Ukaleq EM-imi sukkanerpaap tullianit 20 sekundinik sukkaneruvoq.

Ukaleq Slettemarkip nunarsuarmi pitsaanerit ilaanniilissaguni, isorartuumut arpannermi taamaalillunilu sukkassutsini pitsanngorsartussaavaa.

Powered by Labrador CMS