Skip to main content

Ooqattaasarluni ujakkaarneq: Slettemark kakkagineqartoq

Ooqattaasarluni ujakkaartartup Ukaleq Slettemarkip killiffini Østnorske Mesterskaberimi ooqattaasarluni ujakkaarluni misilittarpaa, tassanilu K-19-inut qaffariarsimagaluarluni kakkagineqarluarpoq.

Unamminerit pingasut ingerlanneqarput. Arfininngornermi naatsumut arpalluni marlunnik ooqattaasarnertaqartut. Sapaammi naatsumut aallarniutaasumik 3 kilometerinut arpanneq marlunnik ooqattaasarnertaqartoq, kingusinnerusukkullu naatsumut 6 kilometerimut sukkasuumik arpanneq sisamanik ooqattaasarnertaqartoq.

Ukaleq Slettemarkip ilaatigut siorna juniorini nunarsuarmi pissartanngortoq aamma Norges Cupimi katinneranilu Hedda Tretteteigimi pissartanngortoq Maren Bakken unammivaa.

Sapaatip-akunnerata naanera Ukaleq Slettemarkimut pitsaavoq, tamannalu aasaanerani sungiusarnerup pitsaasimaneranik takutitsivoq, ukiuuneranilu arpannernut annerusunut piareersimalluarpoq.

Naatsumut arpannermi siullermi Ukaleq 28 sekundinik Hedda Bolstadimit sukkanerulluni apuuppoq. Ukaleq arpattuni tamani kisiartaalluni nikorfalluni aamma pallungalluni ooqattaasarnermi kukkunngilaq.

Sapaammi prologimi 3 kilometerinut arpannermi marlunnik ooqattaasarnertalimmi Ukaleq ajugaaqqippoq, ajugaasup tullianit 25 sekundinik sukkanerulluni.

Prologi sukkasuumik naatsumik 5 kilometerimut arpannermi sisamanik ooqattaasarnertalimmut aallarniutaavoq, tassani K-19-it niviarsissat 17-init ukiullit aamma nukappissat 17-init ukiullit tamarmik aallaqatigaat.

Arnani pitsaanerpaasoq

Tassani aamma Ukaleq ajugaarujussuarpoq. Ooqattaasarnerit 20-t eqqortut (saniatigut marlunnik ooqattaasarnertallit) arnanilu tamani sukkanerpaalluni ataatsimut isigalugu pitsaanerpaatut tamani inissippoq.

Angusaq uissuumminangaarmat angutit 19-inik ukiullit akornanni ajugaasumut tulliuvoq, angutinilu tamani (Jr, U-22 aamma Seniorit) ajugaasut arfineq-aappaattut, ooqattaasarneq iluaqutigalugu.

Ukaleq Slettemark uani ajugaasut nikorfasarfianni portunermiittoq takuneqarsinnaavoq
Privat

Ukaleq ukiup pingajussaanik naggataarutaasumik timersorluni ilinniarnertuunngorniarfimmi Geilomi atuarpoq. Sæsonip tulliani Junior VM pingaarnertut anguniagaavoq, tassanilu siorna 1., 4., aamma 6. angusani illersugassarai.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER