Ombudsmandip Illua kusassarneqassaaq
Nuummi illut kusanarnerit ilaat - Ombudsmandip Illua - silatimigut qalipaqqitassanngorsimavoq, pilersaarutillu malillugit aasaqqippat qalipanneqassalluni.
Illu eqqissisimatitaq Herrnhuthuset aamma Gestalden-imik taaneqartartoq 1747-1748-imeersoq qalipaqqinneqartussanngorpoq, 2013-imi kingullermik qalipanneqarsimavoq.
Illuliornermi siunnersorti peqatigalugu suliassamut neqeroorutit pingasut pissarsiarineqarsimapput, qalipaaqqinnissarlu ima akisutigaaq aningaasanut inatsimmut 2020-moortumut aserfallatsaaliinissamut aningaasaliinerit allaat annertusineqartariaqalersimallutik.
Immikkut aningaasaliineq
Ombudsmandip illuutaanut aserfallatsaaliinermut 254.000 koruuninik ukioq manna aningaasaliisoqarpoq. 2020-mulli aningaasanut inatsisissatut siunnersuummi paasinarsivoq qalipaasoqarnissaa pissutigalugu aningaasaliussat 400.000 koruuninngortinneqarsimasut.
Illuutimmi qalipanneqartussat eqqissisimatitaammata aserfallatsaaliinissamut immikkut maleruagassaqarpoq.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...