Ombudsmandi: Innarluutilinnik paaqqinniffiup ajornartorsiutit ilungersunartut iluarsivai
Innarluutilinnik paaqqinnittarfimmi ajornartorsiutit ilungersunartut aaqqinneqarsimarpasipput, Ombudsmandi misissuilluni pulaarnermi kingorna taama naliliivoq.
Innarluutilinnik paaqqinnittarfimmi Meeqqat Angerlarsimaffiat Ivaaqqami ombudsmandip 2017-imi misissuilluni ajornartorsiutit ilungersunartut paasivai, tassani najugaqartut perusuersartarfiliarnissaminnut pisariaqartitaminnik, uffarnissamut aamma sammisaqarnissamut, ingammik akunnerup naanerani sulisut suliartortannginnerat pissutigalugu ikiorneqarneq ajorput.
Ernumanarluinnartoq
Tamanna isornartorsiuilluni nalunaarusiornermik kinguneqarpoq, tassani ombudsmandip pissutsit ‘’ernumanarluinnartutut’’ oqaatigai.
Ombudmandi septembarimi Ivaaqqamut misissueqqippoq.
- Ombudsmandip massakkut paasisai ukuupput sulisut sulinngitsoortarnerat pissutigalugu ajornartorsiutit – taakkualu najugaqartunut kingunerisartagaat – 2017-imi majimi misissuinermi malugineqartunut sanilliullugit malunnartumik annikilleriarsimasut, suliap eqikkarneqarnerani tamanna atuarneqarsinnaavoq.
Ombudsmandi misissuineq kingulleq pillugu nalunaarusiamini tamanna tunngavigalugu ilaatigut allappoq taamatut pitsanngoriaateqarneq pitsaasorujussuusoq.