Skip to main content

Ombudsmandi naqqeeqqusineq pillugu: Unioqqutitsisoqanngilaq

Ombudsmandi naliliivoq Siumumeersoq Kim Kielseni Naalakkersuisut siulittaasuattut imaluunniit Naalakkersuisut Siulittaasoqarfiat Nick Nielsenimut naqqiissuteqaqqusigamik ingerlatsineq pillugu inatsiseqartitsinermi malittarisassanik tunngavinniilluunniit unioqqutitsisimanngitsut

Inatsisartut Ombudsmandiata, Vera Lethip, Nick Nielsenip naqqiisoqarnissaanut suliaq pillugu ingerlatitseqqiinera maanna naliliiffigisimalerpaa.

Vera Lethi Siumut sinnerlugu maanna folketingimi ilaasortaasimasumut, Nick Nielsenimut, akissuteqarluni ilisimatitsivoq, nammineq suliaq misissoreerlugu isumaqarluni Kim Kielseni e-mailimik taassuminnga nassiussinikkut ingerlatsineq pillugu inatsiseqartitsinermi malittarisassanik tunngavinniilluunniit unioqqutitsisimanngitsoq.

- Tamatumunnga Naalakkersuisut soqutigisaannik isumaginnissinnaassaguni Naalakkersuisunut ilaasortap sinaakkusiussat atituut iluanni periarfissaqartariaqarnera pissutaavoq, matumani sulianik Naalakkersuisunut attuumassuteqartunik isummerfiginnissinnaaneq ilanngullugu eqqarsaatigalugu, ombudsmandi allappoq.

Tamanna pivoq Nick Nielsenip naqqiisoqarnissamut suliaq pillugu ombudsmandimut ingerlatitseqqeereersorlu. Nick Nielsenimmi nammineq oqarneratut suliassanngortitsinermini paaserusuppaa  Naalakkersuisut siulittaasuata, Siumumeersup, Kim Kielsenip, Naalakkersuisut Siulittaasoqarfiani pisortaasimasoq, Svend Hardenberg, Pituffimmi kiffartuussinissamut isumaqatigiissut annaaneqartoq pillugu Folketingimi oqallittoqarnerata nalaani naqqiissuteqartoqarnissaanut piumasaqarnissaanut piumaffigigamiuk eqqortuliorsimanersoq.

- Paaserusuppara Naalakkersuisut siulittaasuat qinikkamut naqqeeqqusilluni piumasaqarsinnaanersoq, Nick Nielsen suliassamik ombudsmandimut tunniusseqqammersimatsiarluni taama oqaluttuarpoq.

Atuaruk: Nick Nielsen IA-mut qaninniarpoq

Ombudsmandi: Maili peqqusinermik imaqanngilaq
Ministerip ministeritut sulineranut tunngasut pillugit atorfilittat siunnersuisarnerat ikiuuttarnerallu pillugit isumaliutissiissummi immikkoortoq 5.1.3 innersuussutigalugu Vera Leth ilisimatitsivoq ingerlatsineq pillugu inatsiseqartitsinermi malittarisassanik tunngavinniilluunniit unioqqutitsisimanngitsoq.

- Kim Kielsenip ilinnut saaffiginninnermigut — illit nammineq oqaatigisattut — illit Folketingimut ilaasortatut qanoq oqaaseqaateqassanersutit isumaqassanersutillunniit aalajangiiniarnera naalakkiiniarneraluunniit pineqanngilaq. Uangalumi paasinninnera unaavoq e-mailip oqaasertai suliamilu tamatuma kingornatigut e-mailikkut allaffigeqatigiittarsimanerit uannut nassiussatit taamatut paasineqarsinnaanngitsut. Inassuteqaatit malissanerlugit illit nam mineq aalajangiiffigisinnaasatit kisimik pineqarsorinarput, ombudsmandeni taama allappoq.

Atuaruk: Kielsen: Hardenbergip mailimik nassiussinissaa aalajangigaraara

Isornartorsiuinissamut pissutissaqanngilaq
Kalaallit Nunaanni qitiusumik aqutsisoqarfik Danmarkimi pissutsit assilillugit ilusilersugaammat Danmarkimi isumaliutissiissut pineqartoq taanna Kalaallit Nunaanni pissutsinik paasinninnermi annertuutigut atorneqarsinnaammat, ombudsmandip innersuussutigaa.

- Kim Kielsenip e-mailimik pineqartumik Naalakkersuisut Siulittaasuata Naalakkersuisoqarfiani pisortaq aqqutigalugu nassiussisimanera isornartorsiuinermut pissutaasinnaanersoq isumaliuutersuutigaara, Vera Lethi allappoq.

Imalu nangippoq:

- Taamaaliornissamut tunngavissaqanngitsoq isumaqarpunga. Atorfilittat suliassamik isumagisassanngortitsineq tunngavigalugu Naalakkersuisunut ilaasortartik sinnerlugu iliuuseqarnissaannut inatsiseqartitsinikkut akornutissaqanngilaq — iliuuseqarneq taamaattoq Naalakkersuisunut ilaasortap (partiimi) politikeritut inuinnartulluunniit inissisimanera atorlugu pinngippat. Tamanna Naalakkersuisoqarfinni pisortanut Naalakkersuisoqarfiup pisortaatut inissisimanertik pissutigalugu atorfilittatut qullerpaatut Naalakkersuisunut ilaasortat apeqqutini sulianut politikkikkullu ingerlatsinermut tunngasuni
siunnersortitut inissisimasunut minnerunngitsumik atuuppoq.

Atuaruk: Nick Nielsen: Suliamut tunngatillugu paasinngisakka arlaliupput

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER