Ombudsmandi kommunimut avoqqaarinnittoq: Suliunnaarnermi isumaqatigiissutit isertuunneqassanngillat
1,5 millioner koruunit missingi, kommunimi pisortaanerusimasup Lars Møller-Sørensenip soraarnerminipissarsiarisimasai, pillugit allagaatinik takunnissinnaanermik qinnuteqaammik itigartitsineqpissusissamisuunngilaq, ombudsmandi Vera Leth aalajangersaavoq.
Qanittukkut saqqummiunneqarpoq, Nuummi inissianut tunngasunik mamianartuliarsuarmi
inuttaasut pingaarnerit ilaat, kommunimi pisortaanerusimasoq Lars Møller-Sørensen, Kommuneqarfik Sermersuumi suliniunnaarnermi isumaqatigiissutiminut atatillugu siorna juulimi aningaasarpassuarnik pissarsisimasoq. Aviisi Sermitsiaq allappoq.
Paasissutissat maannamut isertuunneqarsimasut saqqummiunneqarnerannut tunuliaqutaasoq tassaavoq, Inatsisartut Ombudsmandiata qaammaterpassuarni misissuereerluni aviisimut Sermitsiamut kommuni pillugu naammagittaalliuutaanik ilaliisimanera.
Naammagittaalliuummi pineqartoq tassaavoq, kommunaldirektøriusimasup Lars Møller-Sørensenip suliunnaarnerminut atatillugu aningaasat pissarsiarisimasai pillugit allagaatinik
aviisip takunnissinnaatitaanermik qinnuteqaataanik Kommuneqarfik Sermersuup 2021-mi aasakkut itigartitsisimanera.
Aviisimi sulisup allagaatinik takunnissinnaatitaanermik qinnuteqaqqammersimanerata
kinguninnguatigut kommuni itigartitsissutimini aggustip 3-ani ilaatigut ima allappoq:
- Ilumoorpoq akissarsianut tunngasut soorlu tunngaviusumik akissarsiat, tapisiat, bonusit
allallu inummut tunngasunik sulianik allagaatinik takunnissinnaatitanermut tunngasuni
ilaatinneqanngitsutut inissisimanngimmata, kisianni qinnuteqaatini tamakkua pineqanngillat. Allagaatinik takunnissinnaatitaanermik qinnuteqaatit
itigartinneqartariaqarpoq, inuup ataatsip inuttut atugarisaanut tunngasut, tassunga
ilanngullugit aningaasaqarneranut tunngasut pineqarmata, tak. pisortani ingerlatsineq
pillugu inatsimmi paragraf 12.
Ombudsmandip misissuinera
Tunngavilersuulli tamanna atorsinnaanngitsoq, ombudsmandip Vera Lethip, Sermitsiamit
kommunip allagaatinik takunnissinnaatitaanissaq pillugu qinnuteqaammut kommunip
itigartitsinera pillugu aggustip 18-iani naammagittaalliuuteqarfigineqartup, aalajangersarpaa.
Vera Leth naapertorlugu suliunnaarnermi ajunngitsorsiat pisortat ingerlatsineranni inatsimmi pineqarput, taamaattumillu kommuni kommunaldiretøriusimasup suliunnaarnerminut atatillugu ajunngitsorsiarisai pillugit allagaatinik takunnissinnaatitaanermik qinnuteqaammut itigartitsisinnaanngitsoq.
Taassuma Kommuneqarfik Sermersooq allagaatinik takunnissinnaatitaanermik itigartitsisimanera taamalu aningaasat Lars Møller-Sørensenip pissarsiarisimasaanik isertuussinera pillugu avoqqaarisimavaa.
Oqaluttuaq tamaat Sermitsiami sapaatip-akunnerani matumani saqqummersumi atuaruk. Ugguuna iserfigisinnaavat: