Aasiaat
Ole Lynge kuultiusumik nersornaaserneqarpoq
Inatsisartunut siulittaasuusimasoq sivisuumik politikkikkut suliaqarsimanini pillugu saqqarmiumik nersornaaserneqarpoq
Inatsisartunut siulittaasuusimasoq Ole Lynge Inatsisartut siulitaasuannit Lars-Emil Johansenimit kuultiusumik nersornaaserneqarpoq.
Atuaruk: Aleqa Hammond Nersornaammik kuultimik nersornaaserneqarpoq
Nalliuttorsiorpalaartumik
Aasianni ulloq 8. december nalliuttorsiorpalaartumik katerisimaarnermi IA-mi politikeriusimasoq nersornaammik saqqarmiulerneqarpoq.
Ole Lyngep inuiaqatigiinni naalakkersuinikkut suliaqarsimaneranut qujaniutitut saqqarmiulerneqarpoq.
Atuaruk: Nersornaat kuultiusoq Daniel Skiftemut
1989-mi qinigaasoq
- 1989-imi Aasianni kommunalbestyrelsimut qinigaavutit 2001-illu tungaanut ilaasortaallutit. 1989-imili Inatsisartut danskisut Landstingemik taaguuteqarallarmata Inatsisartunut aamma siullerpaamik ilaasortanngorputit, taamaalineranilu piffissap ingerlanerani arlaleriarlutit ilaasortaallutit, Lars-Emil Johansen oqalugiarnermini taama oqarpoq, nangillunilu:
- Taamaalillutit nunatsinni Namminersornerunerup aallartilaarfiani nunatsinni naalakkersuinikkut ineriartortitseqataasimavutit, piffissarlu tamanna aamma pingaaruteqarpoq, tassami taamaalinerani Inatsisartut Naalakkersuisullu avissaartinneqarput nunatsinnilu innuttaasut oqartussaaqataaneranni susassaqarfiit aqqutit nutaat atorlugit ingerlanneqalerlutik.