isornartorsiuineq
Ole Dorph: Naalakkersuisut ineriartortitsineq unitsippaat
Qaasuitsup Kommuniani borgmesterip Naalakkersiusut aaqqissuusseqqinnerminni arriippallaarnerarpai
Ataqatigiissarisoqatigiit Naalakkersuisut silulittaasoqarfiani pilersinneqartut tassaasut Naalakkersuisut, kommunit kattuffiat Kanukoka aamma borgmesterit sisamaasut 2017-imi februaarip ulluisa 24-anni Namminersorlutik Oqartussani ileqquusumik ataatsimiipput.
Ataqatigiissaarisoqatigiit suliassat aningaasanik kinguneqartussat aamma suliassat naalakkersuisoqarfinni arlalinni inassuteqaatigineqarnissaat pillugit isumaqatigiinngiffiusuni suliassat ataqatigiissaarneqarnissaat qulakkeertussaavaat.
Qaasuitsup Kommuniani borgmester, Ole Dorph (S), ataatsimeeqataasut ilagaat.
- Aaqqissuusseqqinnissat oqaluuseraavut. Siorna siusinaartumik pensionillit pillugit inatsisissatut siunnersuutit nutaat Inatsisartut akuersissutigaat taava suliassaqartitsinermut tunngasut tullinnguupput, tamakkulu kommunit qanimut suleqatigalugit suliarineqassapput, Ole Dorph nassuiaavoq.
Taassuma Naalakkersuisut siulittaasuata Kim Kielsenip (S), Inatsisartunut ilaasortamut, Randi Vestergaard Evaldsenimut (D) akissutaa eqqumiigaa.
- Naalakkersuisut siunissami politikkissaat aamma aaqqissuusseqqinnissanik suliniutgiumaagat inatsisinillu allannguinissaat § 37 naapertorlugu apeqqummut akissummi nassuiaatigissallugit inissaminiinngitsoq isumaqarpunga, Kim Kielsen allappoq.
Atuaruk: Ole Dorph borgmesteritut tunuassaaq
Kalaallit Nunaat pillugu Aningaasatigut Siunnersuisoqatigiit nalunaarusiaminni aaqqissuusseqqinnissat pisariaqartinneqartut arriisaarunneqarpallaartut arlaleriarlutik uparuartarpaat. Siunnersuisoqatigiit Ole Dorphip isumaqatigai.
- Kim Kielsenip akissutaa aamma eqqumiigaara. Siorna oktobarimi naalakkersuisoqatigiittoqalerpoq aamma nukinginnartorpassuarnik suliassaqarpugut. Aningaasat pitsanngorsarneqartariaqarput, taamaalilluta namminiilivinnissatta tungaanut aningaasatigut immitsinnut napatissinnaalerniassagatta, Ole Dorph oqarpoq.
Ataatsimut isigalugu nunatsinni politikerit akornanni iliuuseqarani oqaluinnarneq annertuallaartoq Ole Dorph isumaqarpoq. Tamanna pillugu Sermitsiami atuaruk: