Qaasuitsup Kommunia
Ole Dorph: Immap naqqatigut kabelilerneqassaagut
– Innuttaasutsinnik sullissinerput naammaginanngilaq internettikkut attaveqarnerlunnerput pissutigalugu, Qaasuitsup Kommuniani, 1.700 kilometerinik isorartutigisumik sinerialimmi, borgmesteri oqarpoq
Qeqqata Kommuniani borgmesterip Hermann Berthelsenip, Qaasuitsullu Kommuniani borgmesterip Ole Dorphip, marluullutik Siumumeersut, ukiuni arlalinni Nuummi politikerit, atorfillit Tele-Postilu nassuiaanniartaraluarpaat immap naqqatigut kabelip avannut tallineqarnissaa pisariaqartoq.
– Killikkuminaqaalli. Tamatigut kinguartinneqartarpoq. Atorfissaqartikkaluaqaarput. Nuummi pissutsit maanimisut ittuuppata qanormitaava issagaluarpa, Ole Dorph tikkuaavoq.
Internet pingaaruteqarpoq
– Attavigissaarnissaq pisariaqarluinnarpoq. Attavilunnikkut sineriassuatsinni 1.700 kilometerink isorartussusilimmi, illoqarfippassuaqarlunlu nunaqarfippassualimmi, kommunip innuttaasunik sullissinera eqqorneqarpoq.
– Sumiiffinni tamani sammisaqarfinni tamani ilinniarsimasunik sulisoqarnissatsinnut periarfissaqanngilagut. Taamaattumik uagutsinnut internetti pingaaruteqartorujussuuvoq, borgmesteri nassuiaavoq.
Oqaluttuaq tamaat Sermitsiami nutaami atuaruk, taannalu pisiarisinnaavat uani: