Oklahomami ilinniagaqarniartoq aningaaserivimmit leqatinnattoq

BankNordik Victor Langholzimut legatimik 25.000 koruuninik aningaasartalimmik tunniusseqqammerpoq, taanna The University of Oklahomami sammisaq International Business og Entrepreneurship ilinniarfigalugu bachelorinngorniassamaarpoq.

Legati 25.000 koruuninik naleqartoq ilinniarnerup nalaani ulluinnarni aningaasaqarnikkut oqilisaatissatut tunniunneqartarpoq.

- Inuusuttut ilinniakkamik qaffasinnerusumik naammassisartut amerlinissaat
suleqataaffigerusupparput – inuiaqatigiinnut iluaqutaassammat, naammassinnittullu aamma allanik maligassiueqataassammata. Suli pikkorinnerusunik sulisoqalernissatsinnut tamanna pingaaruteqarluinnarpoq – nunanillu allanit aamma isumassarsiorsinnaappata tamakku aamma iluatinnassaqaat, René Sørensen, Nuummi inuinnarnut sullissivimi pisortaq tusagasiorfinnut nalunaaruteqarnermi oqarpoq.

Legatit pingasut ukiaru tunniunneqassasut

Taassuma ilisimatitsissutigaa, nalinginnaasumik inuit marluk upernaakkut leqatimik tunineqartaraluartut ataasiinnarmut tunniussisimallutik. Tamatumunngalu pissutaasoq coronap ilungersunartorsiortitsinerata kingunerisaanik ilinniarfiit arlallit ilinniartitsisinnaajunnaarallarsimanerat. Ukiamulli ilinniartut pingasut 25.000 koruuninnanissamut periarfissaqassasut.

Qinnuteqarfissaq kingulleq tassaavoq septemberip 24-at, siornatigullu itigarsimagaanni qinnuteqaqqinnissaq ajornanngilaq.

Powered by Labrador CMS