Skip to main content

OilSim Greenland 2008

INUTEK ukioq manna aamma qarasaasiaq atorlugu uuliasiornermik misissueqqaarnermik spil-imik unammisitseqqinniarpoq, taaguuserlugu »OilSim Greenland 2008«.

Ilinniarnertuunngorniarfinni ilinniartut 2008-mi ulluni januarip 8-ni 9-anilu internet-ikkut imminnut unammissapput. Unammisitsineq savalimmiormiut Simprentis, StatoilHydro, GEUS, Kalaallit Nunaanni Sulisitsisut Peqatigiiffiat, Aatsitassarsiornermut Pisortaqarfik kiisalu Nuummi Aasiannilu Ilinniarnertuunngorniarfiit akornanni suleqatigiilluni ingerlanneqassaaq.

Suleqatigiikkaat marlunnik pingasunulliinnuut inuttaqartitertut pisuusaartitamik piviusorpalaartumik uuliasioqatigiiffiussapput. Suleqatigiit uuliaqarfimmut aallartinneqassapput, tassanilu uuliamik ga-imillu sapinngisamik nalertunerpaamik qinerlissapput. Ilinniartut taamaaliussapput piviusumi misissueqqissaartartut suleqatigiit suliassaralui assilillugit, tassa nunap pissusiinik misissuinerit, misissueqqissaarnissamut akuersissutinik qinneqarnermi neqerooruteqassallutik, suleqatigiinnik allanik suleqatigiiffissarsiussallutik kiisalu misissoqqissaagassami qilleriffimmi qillerissallutik.

Akissarsiassat annersaat 5.000 kr.-iusoq ajugaasunut tunniunneqassaaq, 2-nngortut 3.000 kr.-innassapput, 3-nngortullu 2.000 kr.-innassallutik.

INUTEK-ip aningaasaliisussarsiornikkut aningaasat pissarsiarisimavai, ajugaasut taamaalillutik nunat tamat akornanni OilSim-imik unammisitsinerani finalemut London-imi jannuarimi sapaatip akunnerani 25-ianiit 27-ianut ingerlanneqartussamik peqataanissaannut periarfissaqalerluni.

INUTEK 2008-mi sisamanngornermi jannuarip 10-ani nal. 19:30 ukiortaamut ilassinninnissamut præmianillu agguaassinissamut qaaqqusivoq, Katuami Illoqarfiup nipilersortartuisa inaanni.

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER