Skip to main content

Østerbromi saassussisoqarnerani inuk ataaseq toquvoq

Svenskeq pruffiitimik Muuamaamik titartaasimasoq Østerbromi peqqarniisaariarfigineqarmat politiit pingasut ikilerneqartut inuk ataaseq toqutaavoq

Inuinnaq 40-nik ukiulik toqunneqartoq, politiit pingasut ikilerneqarput Østerbromi peqqarniisaarniat aallaasersormata. Politiit peqqarniisaartut marluk ujartoraat, politiit Ritzaumut tusagassiuutinut nalunaaruteqarput.

Toqunneqartoq suli kinaassusersineqanngitsoq, politiit ilisimatitsipput.

Politiit ikilerneqartut pingasut inuunerminnik ulorianartorsiunngitsut, ilaqutaasullu kalerrinneqareersimasut, ilisimatitsissutigineqarpoq.

Angutit peqqarnisaartut marluusut Københavnip Politiivinit oqaatigineqarpoq, taakkualu peqqarniisaarfimminnit qimaasimapput.

Svenskeq titartaasartoq peqqarniisaariarfigineqartoq
Svenskeq pruffiitimik Muuamaamik titartaasimasoq Lars Vilks franskillu ambassadøriat Krudttøndenimi ‘Eqqumiitsuliorneq, Guutimik mitaatiginninneq kiisalu killiligaanani oqaaseqarsinnaaneq’ qulequtaralugit arfininngornermi ualikkut oqallitsitsinermi najuuttut ilagaat. Taakkua tamarmik peqqarniisaartoqarnerani eqqorneqarsimanngitsut oqaatigineqarpoq.

Politiit Krudttøndenimi aallaasersorneq eqqumiitsuliortumut Lars Vilksimut peqqarniisaariarnertut nalileraat, politiineersoq Jørgen Petersen Ekstra Bladetimut oqarpoq.

Biili qimaassutaasoq Østerbromi nassaarineqarpoq
Ilimagineqarpoq Krudttøndenip tungaanut 20-riarluni imaluunniit 40-riarluni igittoqarsimassasoq. 

Seqqortaareernerup kingorna biili VW Polo qernertumik qalipaatilik, saassussisullu qimaanerminni atorsimasaat, Østerbromi nassaarineqarpoq.

Politiit maanna paasiniaanerminni takunnissimasut apersoqattaarpaat.

- Takunnissimasut tamaasa katersorpagut paasiniarlugu qanorpiaq pisoqarsimanersoq, politiit oqaasertartuat Henrik Blandebjerg oqarpoq.

Politiit arlalippassuanngorlutik maanna Østerbromiipput. 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER