Odensemi Nordatlantisk Husimi sipaarniarnerit annertuut

Odense Kommune annertuumik sipaarniuteqarnissamik pilersaaruteqarpoq, Nordatlantisk Husip ukiumut tapiissutisiarisartagaata pingajorarterutaanik piigaqassalluni.

AG taama allaaserisaqarpoq.

- Tamanna sualuttumik kingunipiloqassaaq sammisassallu annikilleriaateqarnerannik kinguneqassalluni, Odensemi Nordatlantisk Husip aamma Kalaallit Illuata pisortaa, Kirsten Mærsk, oqarpoq.

Sipaarniarnermik pilersaarut Kirsten Mærskimut uissuumminartorujussuusumik tassanngaannaq takkuppoq:

- Tupannartorujussuuvoq. Ikililerisoqarnissaanik tusatsiagaqartarsimagaluarpunga, kisianni taama sakkortutigisumik uatsinnik eqquinissaat quarsaarutigisorujussuuara.

Nordatlantisk Hus ukiumut 100.000-t missaannit orninneqartarpoq.

Sipaarniutit annertuut kingunissaat pillugit AG-mi paasisaqarnerusinnaavutit, uani ataani aviisimut isissutissarsisinnaavutit:

AG Uge 25 2019

Klik her for at læse