Skip to main content

Nuutoqqami akunnittarfik akisooq

Malaysiamiu aningaasaatilissuaq Nuutoqqap ilaani akisuumik akunnittarfissualiorniarpoq. Kommunalbestyrelsi marlunngormat aalajangerpoq suliniut tusarniaassutigineqassasoq

Kommuneqarfik Sermersuumi kommunalbestyrelsi akisuumik akunnittarfiliornissamik suliniuteqaartoqarnera pillugu sapaatip akunnerini arfineq-pingasuni tusarniaaniarluni marlunngormat aalajangermat, misigissutsit akuutillugit oqallittoqarnissaa ilimanarpoq.

Akunnittarfissaq 94-inik initaqartussaq, neriarniartarfeqartussaq, imerniartarfeqartussaq eqqissisimaartarfeqartussarlu kiisalu ataatsimeersuarfeqartussaq aamma timigissartarfeqarlunilu  uffarfeqartussaq (spa) Nuutoqqamiissaaq.

Suilniuteqartuuvoq Berjaya Corporation Group of Companies, Asiami Manerassuaqrmilu sumiiffinni assigiinngitsuni akunnittarfinnik akisuunik piginnittuullunilu ingerlataqartoq.

Hotellets placering i bunden af Kolonihavnen
Berjay Land Berhad

Akunnittarfik sissaq sinerlugu saqisaartarfeqassaaq kiisalu akunnittarfiup akunnittarfimmilu najugaqartut atorsinnaasaannik malinnut illersuutitut nunniugaqassaaq talittarfeqarluniluunniit.

Sumiiffik eriagineqaqisoq

- Sumiiffimmi eriagineqaqisumi nunanit tamalaanit suliniut pineqarpoq. Suliniut oqallisaassagunaqaaq, kommunimulli pilersaarummut ilaareerluni, aamma ingerlatsivimmit nalilerneqarpoq, suliniut sumiiffimmut illoqarfimmullu pitsaasumik sunniuteqassasoq, Sanarfinermut Avatangiisinullu Ingerlatsivimmi pisortap Hans Henrik Winther Johannsenip saqqummiussissutaani taamatut allassimasoqarpoq.

Siusinnerusukkut ataatsimiititaasimasut marluk, Sanarfinermut Avatangiisinullu Ataatsimiititaq kiisalu Aningaasaqarnermut Inuussutissarsiornermullu Ataatsimiititaq, suliniutip ingerlateqqinneqarsinnaaneranut akuersaarsimapput.

Ingerlatsivimmi pisortap oqaatigaa, kommuni 2014-imi Nuutoqqap ineriartortinneqarnissaanut isumassarsiatigut unammisitsisimasoq, tassani kalaallit titartaasarfii arlallit peqataasimallutik.

Anguniakkanut ilaasoq

- Illussanik titartaasarfik Riis unammisitsisoqarmat ajugaavoq,  taassumalu siunnersuutaa kingusinnerusukkut kommunimut pilersaarummut tapiliussassamut ullumi atuuttumut tunngavigineqassaaq. Pilersaarummut ilaatigut akunnittarfilioluni sanaartorfissaq ilaavoq, taamaammat atuuffissaa Nuutoqqamut tunngatillugu anguniakkanut ilaareerpoq, Hans Henrik Winther Johannsen erseqqissaavoq.

Hotellet bliver med sadeltag og i fire etager
Berjay Land Berhad

- Suliniut qularnanngitsumik oqaluuserineqassaqaaq, Nuutoqarmi eriagineqartupilussuuvoq. Akunnittarfiup Tuapannguani illorpassuit isikkivii allanngortissavai aqqusinikkullu angallannerusoqalernera isornartorsiutinut aamma ilaassaaq. Kommunalbestyrelsi marlunngormat matoqqasumikataatsimiimat inassuteqaatip suliarineqarnerani naatsorsuutigineqarpoq, akunnittarfiliornissamik soqutiginnittoq nunanit allaneersoq aningaasaliissuteqarniartoq aamma oqaluuserineqassasoq.

Ineriartorneq qujarunnartoq

- Nuummi timmisartoqarfimmik alliliiniarneq soqutinartumik illoqarfimmik ineriartortitsissaaq, tassani takornariat amerlingaatsiarnissaat naatsorsuutigineqarmat. Taamaammat periarfissat ineriartortinneqarnerat aamma illoqarfimmi akunnittarfiit unnuisarfiillu assigiinngitsutigut neqerooruteqarsinnaanerat qujarunnarpoq, tamannami aamma Illoqarfiit pingaarnersaanni periusissiamut naapertuuttuuvoq, inassuteqaammi taamatut allassimasoqarpoq.

Hotelfacaden set i forhold til det eksisterende byggeri i området ved Kolonihavnen
Berjay Land Berhad

Ingerlatsiviup suliniummut atatillugu piumasarisimavaa, malaysiamiut akunnittarfiutillit Hans Egedep Illorsuanit akunnittarfiup tungaanut aqqusineq annertusassagaa, maannami aqqusiniusoq angallattoqarnerulernissaanut naapertuutinngilaq. Aamma FN-ip nunarsuarmi piujuaannartitsinissaq tunngavigalugu ineriartortitsinissamut anguniagai 17-it naammassineqassapput.

Meeqqat neriulluartut seqinnarimmi nuannaartorisaminnik naapitsisut
Meeqqat silamik iluatsitsilluarput sapaatiummat Akutaaneq Kreutzmann, Najaaja Lyberth aamma Frederik Funch assammik arsaqatigalugillu arsaateqatigisinnaagamikkit.
Meeqqat 300-t pissangasut atualeqqaassapput
Qaammat aggusti tassaavoq atualeqqaartarfik, Kommuneqarfik Sermersuumilu meeqqat mikinerit 300-t atualeqqaarlutik atuarfimmut appakaattussanngussapput.
Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

Seneste Ugeavis

SENESTE NUUK - NYHEDER