Nuuk
Nuussuarmi Sullorsuaq sammivimmit ataasiinnarmit aqqutaalissaaq
Isumannaallisaaneq pissutigalugu Nuummi sullorsuaq maanna sammivimmit ataasiinnarmit ingerlaffiusinnaalissaaq, illuaniillu ingerlaffigineqarsinnaajunnaarluni
Nuummi Nuussuup tungaanut ingerlalluni Sullersuup killingani utaqqisoqartarunnaassaaq.
Tassami lyskurvit peerneqassapput, sullorsuarlu sammivimmut ataasiinnarmut ingerlaarfinngussaaq, taamaalilluni Nuussuarmit illoqarfimmut kisimi ingerlasoqarsinnaanngussaaq.
Politiit marlunngornermi taama nalunaaruteqarput.
- Iggiaata tungaani angallanneq ulorianarpallaaqaaq, ajutoortarnerillu pinngitsoortinniarlugit sullorsuaq illuinnaanut ingerlaarfinngussaaq, politeeq Eigil I. P. Lyberth itisiliivoq.
Atuaruk: Biilinut innaallagiamoortunut immiisarfiit siulliit aajuku
Sapaatip-akunnera tulliani inatsisit nutaat
Sullorsuaq Iggiaanit (angallatinut puttasoqarfimmit) Nuup illoqarfittaanut taamaallaat ingerlaarfigineqarsinnaalissaaq.
Kommuneqarfik Sermersooq aamma politiit suleqatigiillutik taamatut aalajangerput, taannalu ataasinngornermi aggustip 22-ani 2016-imi atuutilissaaq.
Aqqusernit qullilersorneqarneri piiarneqangajalerput, taarsiullugulu allagartalersuisoqassaaq, politiit ilisimatitsipput.