Skip to main content

Nuussuarmi aalisartut annertuumik unammilligassaqartut

Ukioq manna Arctic Fish Greenland Nuussuup eqqaani umiarsuarmik tunitsiviliisimanera unissimalerpoq, nunaqarfimmilu marsimi ammartussamik nutaamik aalisakkeriliortoqarnera pissutaalluni, aalisakkerivik maanna piusoq matoqqavoq.

Nuussuarmi 200-t missaanni inoqartumi, Upernavimmiillu 150 kilometerinik avannarpasinnnerusumiittumi, aalisartut oktobarip aallaqqaataaniit tunitsivissaarupput.

Aviisi Sermitsiaq taama allappoq.

Tamanna pivoq Arctic Fish Greenlandip, Royal Greenlandimit pigineqartup, umiarsuaq attartugaa qaleralinnut tunitsiviusoq, septembarip naaneraniit tunitsiviujunnaarmat. Umiarsuup juunimiit septembari ilanngullugu tunitsiviunerani qalerallit 650 tonsit tunineqarsimapput.

Arctic Fish Greenland, Nuussuarmi Kullorsuarmilu aalisakkerivinnik ingerlatsisuusoq, Nuussuarmi nutaamik, aalisakkanik 500 tonsinik uninngasuuteqarsinnaasumik aalisakkeriviliornini pissutigalugu, umiarsuarmik tunitsiviusussamik attartorsimavoq.

Nutaamik aalisakkeriviliortoqarnerani aalisakkerivik maannakkut piusoq matoqqatinneqarmat, maannakkut tunisisoqarsinnaangilaq.

Taamaattumik aasaq manna Nuussuarmi aalisartut tunitsivissaqarnertik iluarisimaarsimagaluaraat, maanna tunitsivissaarunnertik pissutigalugu ilungersunartumik inissipput.

Maanna tikillugu aalisakkeriviusimasoq aalisakkanik 150 tonsit missaannaanik uninngassuteqarsinnaasimavoq, ulikkaartooraangallu aalisartunut kipiluttunaqisumik tunisineq ukiumut arlaleriarluni unitsinneqartariaqartarsimavoq.

Qujamasunneq ugguarnerlu

– Qaammatini sisamani Arctic Fish Greenlandip umiarsuarmik tunitsiviliisimanera, aalisarnikkullu pitsaasumik atugassaqartitsisimanera qujamasuutigaarput. Uagut kisitta tamanna iluaqutiginngilarput, aammali aalisartunut allanut iluaqutaasimaqaaq,​​​​​​​ Nuussuarmi aalisartut piniartullu peqatigiiffianni siulittaasoq, Aron Aronsen oqarpoq.

Aviisimi Sermitsiami, uani ataani pissarsiarisinnaasarni, atuarnerusinnaavutit:

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER