Nuup qeqqani nutaanik sanaartorneq
Sanarfinermut Avatangiisimullu Ingerlatsivik sisamanik quleriimmik siunnersuummik nutaamik aalajangersimasumik pissarsiaqarpoq, taanna HHE-p akunnittarfiutaata nutaap maanna sanaartorneqartup eqqaaniissaaq.
Tamanna Aningaasaqarnermut Inuussutissarsiornermu Ataatsimiititamut paasissutissiinermi atuarneqarsinnaavoq, tassani kommunimut pilersaarummut tapiliussani arlalinnik oqaluuserisasartaqarpoq.
Sumiiffik ullumikkut pisiniarfeqarpoq, cafeeqarpoq, suliffeqarfiit (ilaatigut Tusagassiorfik Sermitsiaq.AG, aaqq.) aamma inissiat, taanna paasissutissiineq naapertorlugu ’’illoqarfiup immikkoortuani uummaaritsitsillunilu susassaqartitseqataavoq”.
Kommunimut pilersaarummut tapiliussaq, Kommuneqarfik Sermersuumi kommunalbestyrelsimi akuerineqassappat, sisamanik quleriilinnik arlalinnik peqalissaaq.
- Nuup alliartornera ilutigalugu inissiaqarfiit eqiternissaannut pisariaqartitsineq annertusiartorpoq, kiisalu sukisaarsarfiit aqqutaasa illoqarfiullu immikkoortuini illoqannginnersat illoqarfiup innuttaanut tikeraavinullu nuannaarutaasussamik qulakkeerneqarnissaat pitsanngorsarnissaallu pisariaqarluni, kommunimut pilersaarummut tapiliussami tamanna allaqqavoq.
- Sanaartorfissani nunaminertamik atuinissamik akuersissutit pioreersut annikitsunik allilernissaat periarfissaqassaaq, peqatigitillugulu portussutsikkut eqiterisoqarnissaanut periarfissaqalissalluni, taamaasilluni illorsuaq Aqqusinersuup tungaanut sisamanik quleriilik sananeqarsinnaassalluni. Aqqusinersuaq sinerlugu tamanit aqqutigineqartarnissaa nukittorsarniarlugu inini allerni inissianik sanaartortoqassanngilaq, aammalu inini allerni iikkat 50 procentii igalaatut suliarineqassallutik, ataatsimiititaliami politikerinut suliamik saqqummiussinermi tamanna allaqqavoq, taakku sisamanngorpat ataatsimiissapput.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...