Skip to main content

Nuup oqaluttuarisaanerani ajornerpaamik ajutoorneq

Sapaatip-akunnerata siuliani ukiut 47-ngajaat matuma siorna Nuummi Narsarsuarmi Blok 5 qaarpoq inuillu qulit ajunaarput. Maannakkut suliniuteqarluarniartup Erla Wintherip borgmester Asii Chemnitz Narup ujaqqamik eqqaassutissamik ivertitsinissamut tapersersortigilerpaa.

"Ullo ́qeqqa minutsialunnguanik qaangilaaraa qaarnerup sakkortoorujussuup Nuup annersaa sajuppillatsippaa. Inuit qaarnermik tusartut tamarmik sakkortunersuanik tupassimapput. Inuit takunnittut annilaarnermik nikeriarsinnaajunnaarsimapput. Ajunaarnersuup annertussusia eqqarsaatiginerluunniit ajornaqaaq. Isigisaq silatusaarnermit pasillerneqarpoq". 

Gas-imik qaartoorneq

Taamatut Nuummi ajunaarnerit annersaasa ilaat ukiut 47-ngajaat matuma siorna pisoq pillugu, tassani gassimik qaartoortoqarmat inissiarsuaqarfik Blok 5 naammassingajallugu sananeqartoq sussaajunnaarluni aserorneqarpoq, AG-mi nutaarsiassanik ilanngutassiaq aallartippoq. Assassornermik suliallit 20-t sinneqartut suliassamik naggataat inaarsaruttulerpaat, suliarlu sanaartortitsisumut tunniunneqangajalerpoq. Ilaatigut sanasoq 20-nik ukiulik Eli Damberg Jyllandip avannaaneersoq peqataavoq. 

- Suleqatigalu majuartarfinni qiterlernut peruttorluta gassisunni naavarput. Tamanna sanasut naalagaasaannut ingerlaannaq oqaatigaarput, taassumalu ingerlateqqinniarlugu neriorsorpaatigut, uagulli suliavut nangittussaavavut. Taamaaliorpugut, naak tamanna eqqarsarnartoqartikkaluarlugu, tassami gassisunni assut sakkortugami. Aamma arlaatigut aniasoqarsimasinnaasoq naatsorsorsinnaavarput, Eli Damberg eqqaamasalikkersaarpoq. 

Eli suleqatinilu sanasut suliassaat kingullliit piareersarnerat nangippaat, tassa matut tigummiviinik matusartunillu ikkussuinerit. Blok 5-ip isorpiaani sulipput, tassanilu gassisunni sakkukinneruvoq. 

Nallukattatut uppikaasutut isamittoq 

- Taamaattumik tamanna eqqarsaatigivallaarnagu ullut allatulli ullaap ́tungaanisut sulivugut. Nerisussat siulliit aaneqarput GTO- lejerimut ullo ́qeqqasioriartortinneqarlutik. Uagut allat nal. ak. affaa qaangiuppat aatsaat nerisussaavugut, tassami taamanikkut tikisitat ima amerlatigipput allaat holdinut agguataarneqartariaqarlutik. Taava nal. ullo ́qeqqa qaangilaara qaartoqarpallappoq. Allaanngilaq qaartartoq qaartoq. Oqimaassuseeruppunga. Silaannarmiippunga, taamaannerani nateq atinniittoq taamak ersikkaluanngilaq nakkaakkami. Isiginnittut kingusinnerusukkut oqaluttuarput illorsuaq nunamiit 1 meterinik qangattarsinnarluni tukkami nallukattatut uppikaasutut isamittoq, Eli Damberg oqaluttuarpoq. 

Ajutoorneq attortinnartoq AG aviisiani kingullermi saqqummertumi tamakkerlugu atuarsinnaavat. Linki toorlugu aviisi pisiariuk.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER