Nuup Kangerluani ajunaarneq: Inuk ataaseq ajunaarsimavoq
Umiatsiaq sukkasuuliaq Nuup Kangerluani unnuaq ajutoormat, inuk ataaseq ajunaarsimavoq inuillu arfinillit napparsimmavimmut unitsinneqarsimallutik.
Kalaallit Nunaanni Politiit unnuaq marlut qaangilaaraa nalunaarfigineqarsimapput, kangerlummi Nuup Sermitsiallu akornanni ajunaartoqarsimasoq.
Umiatsiaaraq sukkasuuliaq ajutoorsimavoq, inullu ataaseq ajornaarsimalluni, allat ajoqusersimallutik.
Kalaallit Nunaanni Politiit pigaartuisa pisortaat Carl Sværd Sermitsiaq.AG-mut ilisimatitsivoq.
Pigaartut pisortaat naapertorlugu, politiit umiatsiaq sukkasuupilussuulluni sikuminermut aporsimasorivaat.
Sikuminermiit politiinut sianersimasoq
Umiatsiami issimasimasoq ataaseq, sikuminermut qaqisinnaasimasoq politiinut nalunaaruteqarluni sianersimavoq.
- Annaassiniarneq annertooq aallartinneqarpoq, Issittumi Sakkutooqarfik, qatserisartut politiillu annaassiniarput, Carl Sværd ilisimatitsivoq.
Politiit nalunaarfigineqarsimapput, ajornartorsiortut ilaannit sikuminermut qaqisimalluni politiinut sianersinnaasimasumit.
Imigassartorsimallutik angalasimanerannik pasitsaassineq
Politiit pisimasoq suli misissorpaat, isumaqarpulli inuit arfineq-marluk umiatsimiissimasut. Ataaseq ajunaarpoq, sinneri assigiinngitsunik ajoqusersimasut napparsimmavimmut unitsinneqarput.
Politiit imigassartorsimalluni angalasoqarsimaneranik pasitsaassisimagamik, inuit annaanneqartut ilaat marluk aaversissimavaat misissugassanik.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...