Nuup eqqaanut nunap assingi pillugit isummat assigiinngitsut
Nunap assingi wow-it nutaat pillugit isummat assigiinngiiaarput, ilaasa ingerlaarfissaminnik nammineq aaqqissuussisussanngorsimanertik pakatsissutigaat, nunalli assingi eqqoqqissaartuunertik sumiiffigisallu takuneqarsinnaassutigiligaannik angissuseqarnertik pillugit aamma nersualaarneqarlutik
Wow-ip Nuup eqqaanut nunap assiliai nutaat saqqummermata Nuuk Ugeavisimi juulip 15-iani allaaserineqarnerat nunap assingisa piumaneqarlualernerannik kinguneqarpoq, arlalissuarnillu nersualaarneqarlutik, aammali arlalinnit pakatsissutigineqarlutik.
– Pisuttartunut nunap assingi naak, aperipput.
Tamannali Mark Hutchisonip paasiuminaatsippaa. Nuup Kangerluani Ameralimmilu pisummik ingerlaarfissat nalunaaqutsersukkat tamarmik nunap assinginiipput, oqarpoq.
Mark Hutchisonip Nuup eqqaanut wow-imi nunap assingip suliaqarnerani siunertaq tassaavoq taakkua pinngortitamiittartunit kikkunnit tamanit atorneqarsinnaanissaat. Pingasunngornermi juulip 15-iani saqqummersinneqarput pisiniarfinnilu arlalinni pisiarineqarsinnaallutik.
Isummat assigiinngiiaartut
Maasi Brøns Chemnitz atuagaarniarfimmit Atuagkat boghandelimeersoq sisamanngornermi juulip 23-ani oqaluttuarpoq, nunap assingi ataasinngornermi juulip 20-ani nioqqutigilersimagini, nunallu assingi katersugaatini arfiniliusut tamaasa immikkut qulit pissarsiarisimagini, ullunilu siullerni nunap assingini tamani marluk tallimallu akornanni tunisimagini.
– Nunap assingi soqutigineqarluarsimapput, kisiannili aamma isornartorsiorneqarlutik. Pisiniat oqaaseqaateqarfiginnissimasut tamarmik pisuttartunut ingerlaarfinnik, pisuttartunut nunap assiliornermi siunertaasunik, ujartuisimapput, oqarpoq.
Mark Hutchison nassuiaalluni oqarpoq, nunap assingi pisuttartunut ingerlaarfiit nutaat ilanngunnagit suliarineqarsimasut nunap assinginik atuisut pinngortitap paasisassarsiorfiginissaanut namminerlu ingerlaarfinnik aaqqissuussinissamut isumassarsisinneqarsinnaanissaat neriuutigalugu.
Allaaserineqartoq aviisimi Sermitsiami tamakkiisumik atuaruk. Aviisi uani pisiarineqarsinnaavoq:
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...
