Nuup eqqaani ujarassiorluni takornariartitsineq
Suliniummut annikitsumut akuersissummik piginnittup umiatsiamillu angallassisartup akornanni suleqatigiinneranni nutaami takornariat nunaqavissullu Nuup eqqaani ujaqqanik pinnersaasiassanik ujaasiartorluni angalanissamut periarfissinneqarput.
Nuuk Water Taxip suliffeqarfik IceCap Gems suleqatigilerpaa tamatumanilu qeqertat Qilanngaarsuit aamma Akilia ujaqqanik pinnersaasiassanik Grønlanditinik nunarsuarmilu kiviorarnerit ujarannguussimasut pisoqaanersaasa ilaanni nassaarfiusinnaasut ujarassiorfigiartorlugit angallavigineqartalernissaat neqeroorutigineqarluni.
Nuup kujataani IceCap Gemsip suliniummut annikitsumut akuersissutaateqarfianut angallassisulerluni angalaartitsisalernissat pineqarput. Suliffeqarfik tamaani ujaqqanik pinnersaasiassanik piiaanissamut kisermaassilluni akuersissutaateqarpoq, ujaqqanillu qaarsuimmit ukiunik 3,8 milliardinik pisoqaassusilimmit pisunik pinnersaasiortitsisarluni.
Aviisimi Motoorimi, akeqanngitsumik atuarneqarsinnaasumi, atuarnerusinnaavutit. Motoori uani atuarsinnaavat: