Nuup eqqaani Qussummi sumiiffik ataaseq sukisaarsaatigalugu aalisartitsinermut atorneqartalissaaq

Naalakkersuisut Kommuneqarfik Sermersooq suleqatigalugu innuttaasunik suliffeqarfinnillu soqutiginnittunik, Qussuk/Narsarsuarmi Nuup eqqaaniittumi aalisartitsilluni takornarialerinermik ingerlatsinissamut qinnuteqartussanik ujaasivoq.

Qussuk/Narsarsuarmi sumiiffimmi ataatsimi, Nuup kangerluisa ilaanni, sukisaarsaatigalugu aalisartitsisinnaaneq Naalakkersuisut Kommuneqarfik Sermersuullu ammaakkusuppaat.

Illoqarfiit pingaarnersaata kommuniata innuttaasut suliffeqarfiillu soqutiginnittut nunap ilaa ataaseq sukisaarsaatigalugu aalisarnermut kisermaassilluni akuersissuteqarfiusussatut immikkoortissimavaa.

- Sumiiffiit akuersissuteqarfiusussatut immikkoortinneqarnerat takornariaqarnermi Naalakkersuisut periaaseqarnerannut immikkoortutut ilanngutivissimasutut isigineqassaaq, tassani siunertarineqarluni nunatsinni takornariaqarnermik inuussutissarsiorfimmi namminersortut aningaasaliisarnerisa annertusarneqarnissaat taamalu ungasinnerusoq eqqarsaatigalugu siuariartorneq suliffissaqarnerlu annertunerulersillugu, Namminersorlutik Oqartussat tusagassiutinut taama nalunaaruteqarput.

Sumiiffik pilerigineqartoq

Sumiiffik Qussuk pilerigineqartutut oqaatigineqarsinnaavoq.

Svend Hardenberg sumiiffimmi ukioq kaajallallugu illuaraqartitsinissamik, takornarianillu sumiiffimmi aalisartitsisalernissamik pilersaaruteqarsimagaluarpoq. 2019-imili aprilimi kommunimit itigartinneqarluni.

Suliniummut itigartitsineq NTPAP-mit – Nuummi tapertaralugu piniartut aalisartullu peqatigiiffiannit iluarisimaarneqarpoq, taakkumi kissaatigaat sumiiffiup tamanit tikinneqarsinnaanissaat.

Qinnuteqaqqusissummi matumani qinnuteqaatit Inuussutissarsiornermut, Nukissiuuteqarnermut, Ilisimatusarnermut Suliffeqarnermullu Naalakkersuisoqarfimmut kingusinnerpaamik pingasunngornermi ulloq 4. marts 2020 tunniunneqareersimassasut, Namminersorlutik Oqartussat tusagassiutinut nalunaarutiminni ilisimatitsipput.

Tasiilami anorersuarnissaanik aarlerisaarut

DMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...

Snow Fest-imi iluatsilluartumi nutaaliorsinnaaneq nuannaarutigineqarpoq

Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...

Powered by Labrador CMS