Skip to main content

Nuunu sangusaarnermi VM-imi unammeqataasoq

Nuunu Chemnitz Berthelsen seeqqumi ujaluisigut sualuttumik ajoquseqqareersimalluni sangusaarnermi VM-imi Italiami Cortinami ingerlanneqartumi ullumi arfininngornermi unammeqataanissaminut piareerpoq.

Sangusaartartoq Nuunu Chemnitz Berthelsen, Norgemi Trysilimi ulluinnarni najugaqartoq, Royal Greenlandimit 100.000 koruuninik tapiiffigineqaqqammerpoq, ukioq mannamut aappaagumullu avinneqartussanik.

Royal Greenlandip Nuunu unamminissaq sioqqullugu oqaloqatigisimavaa, taannalu ima oqarpoq:

- Italiami ulluni makkunani VM-ertoqarnerani ingerlalluaruma Beijingimi Kinamiittumi OL-ertoqarnissaanut anngussinnaanissannut periarfissaqalissaanga. Taamaammat Cortinami VM-ertoqarnerani angusarissaarnerpaat 40-t akornanniinnissara neriuutigaara, 24-nik ukiulik Nuunu Chemnitz Berthelsen oqarpoq.

Aningaasaqarneq aqutsinerlu ilinniarai

Nuunu Chemnitz Berthelsen meeraallunili sisorartalersimavoq, inuusuttuaranngorlaajullunilu pikkorinnerpaat akornanni timersortartuulersimalluni. Ulluinnarni sungiusarnermi saniatigut Norgemi ilinniarfimmi aningaasaqarnermik aqutsinermillu piffissap ilaani ilinniartuuvoq.

- Sisorartartutut inuunera nuannareqaara, nunanilu tamalaani nunarput sinnerlugu peqataasinnaagama assut nuannaarutigisarpara. Taamaammat Royal Greenlandimiit tapersersorneqarnera qujamasuutigeqaara. Tapiissutit atorlugit timersuut aalluttuarsinnaallugulu nunarput sinnerlugu 2021-mi VM-ertoqarnerani immaqalu 2022-mi OL-ertoqarnerani peqataasinnaavunga, Nuunu Chemnitz Berthelsen Royal Greenlandimut oqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER