Skip to main content

Nuunu sangusaarnermi VM-eqataassaaq

Sangusaartartoq Nuunu Chemnitz Berthelsen Italiami Nunarsuarmi pissartanngorniuteqatassaaq.

24-nik ukiulik Nuummeersoq Nuunu Chemnitz Berthelsen sangusaarnermi pingaarutilinnik unammeqataasaaq qaammatini tulliuttuni.

Italiami Cortina d'Ampezzomi uani qaammammi peqataassaaq, VM-imut peqataanissamut anngunniuteqataassalluni februaarip 19-ani.

- Angusarissaarnissara ilimagaara. Naak ukiumi matumani unammiuaarfimmi aputikittaraluartoq aamma coronamut tunngatillugu killilersuisoqaraluartoq angusarissaarsinnaallunga upperaara, Sermitsiaq.AG-mut oqarpoq.

OL-imut piumasaqaataasut angunissai

Nuunu Chemnitz Berthelsen VM-imut peqataareeruni Serbiamut unammiartussaaq, tassani pointinik pingaarutilinnik katersiniassalluni. Pointit naammattut pissarsiarisinnaassagunigit ukiumi OL-imut anngussinnaavoq.

- Maannali angusarissaarnissara, aamma VM-imi takutitsilluarnissara pingaartinnersaagallarpara, oqarpoq.

Ukiumi unammiffiusumi qulit 15-illu akornanni unammeqataassaaq.

- Taakkunani unamminerni tallimariarlunga angusarissaartariaqarpunga OL-imut anngutissaguma, Nuunu Chemnitz Berthelsen oqarpoq.

Kingullermik VM-imi peqataagami katinnerani 36-itut inissippoq, kalaallini siornatigut angusaasartunit angusarinnerpaalluni.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER