Skip to main content

Nuummut atuariartarneq Ittoqqortoormiormiut maalaarutigaat

Angajoqqaat meeqqatik illoqarfiit pingaarnersaannut atuariartinneqartarnerat iluarinngilaat

Suli meeraapput angerlarsimaffimminniillu tuusintilinnik kilometerinik ungasitsigisumi nunap immikkoortuani allaqqinnaamiipput, angajoqqaaminnullu qanilaarsinnaanatik.

Meeqqanut arlaqartunut Ittoqqortoormiuneersunut ulluinnarni inuuneq taama isikkoqarpoq, taakku piffissami 2012-imit 2014-imut 9. klassimi imaluunniit 10. klassimi atuarnertik nangikkiartorpaat. Taakku Tunumi sungiusimasartik taarserlugu Nuummut atuarfimmut nutaamut atuariartortariaqarsimapput.

Tamanna Nunatsinni illoqarfiit aamma nunaqarfiit avinngarusimanerpaat ilaannut ilinniartitsisunik pissarsiniarneq ajornakusoortorujussuuneranik ilaatigut taamatut kinguneqartitsivoq.

Meeqqat nakorsaat ernumasoq
Ittoqqortoormiuni atuartut ullumikkut nammineq toqqarsinnaavaat, 9. imaluunniit 10. klassi Ittoqqortoormiuni, Nuummi imaluunniit Tasiilami ingerlatissanerlugu. 2015-imili tamanna periarfissaalerpoq.

Taamaakkaluartoq nuuttarneq angajoqqaat eqqarsaataanniippoq. Tamanna naalakkersuisup Martha Lund Olsenip Ittoqqortoormiini innuttaasunik ataatsimiisitsinerani saqqummerpoq.

Innuttaasut iluarinngilaat Nuummut atuartut, 9 aamma 10 klassit, suli ukiukillutik angajoqqaatik qimallugit atuariartortinneqartarnerat. Peroriartornerannut ajoqutaasinnaanera ataatsimeeqataasuniit ernumagineqarpoq. Tamannalu meeqqat nakorsaanit taperserneqarpoq, Namminersorlutik Oqartussat tusagassiuutinut nalunaarummi allapput.

Killeqanngitsumik piniarsinnaaneq
Innuttaasunik ataatsimiititsinermi aamma piniarneq aalisarnerlu oqallisigineqarluarput. Ingammik piniarnikkut aalisarnikkullu imminut pilersorsinnaanissap killeqarnera sammineqarluni.

Illoqarfiup innuttaasuisa 470-iusut ilaasa iluarinnginnerarpaat, sumiiffimmi angisoorsuarmi piniagaasarpassuaqartoq piniaqqusaanngitsunik.

Imermik annikippallaartitsineq iluarineqanngitsoq
Innuttaasut ilaatigut tikkuarpaat, nannuttassiissutit marsimili tamakkerneqareersimasut. Innuttaasut ilaasa kissaatigaat killeqanngitsumik piniartoqarsinnaanissaa.

Nukissiorfiup imermik killilersuinera isorineqartut aamma ilagaat. 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER