Nuummiut: Trumpip nittarsaalluarpaatigut - agginngiinnarunili pitsaaneruvoq

Sapaatip akunnerani uani oqallisaangaatsiartoq, USA-mi præsidenti Donald Trump, innuttaasut qanoq isumaqarfigineraat paasiniarlugu Sermitsiaq.AG apersuivoq

Donald Trump Danmarkiliarnissani kinguartikkaa ippassaq malunngormat nalunaarutigineqarpoq. USA-mi præsidenti Danmarkimut tikeraartussaagaluarpoq septembarip aappaanit pingajuat ilanngullugu.

- Donald Trumpip Danmarkiliarnissani tikeraarnissamik kinguartitsinera qanoq isumaqarfigaajuk?

- Soqutigivallaanngilara. Meeqqatut nukangasutut pissuseqartuuvoq, taamaattuaannarumaarpoq aamma. Danmarkiliarnissaminik unititsiinnarnera ajorinngilara, neriuppunga siunissami tikissanngitsoq. Taamaattoq Kalaallit Nunaat pillugu nittarsaassilluarpoq, tamanna ajunngitsuuvoq. Uanga Kalaallit Nunaat tuniniagaanersoq tuniniagaanngitsorluunniit oqaatigisinnaanngilara, kisianni Donald Trump oqaluinnarniarluni oqaluttartuuvoq, Jacob Morsing oqarpoq.

- Donald Trumpip Kalaallit Nunaat pisiariniarlugu oqarmat ernumaammerpunga. Peqqarniippasilluni taamatut oqarnera ernumaammernarpoq. Danmarkiliarunnaarniarnera ajorinngilara, kisianni immaqa Kim Kielsenilu naapissimasinnaagaluarput. Taamaattoq amerikarmiusut innuttaassuseqalerusunngilara, Najattaaq Kristiansen oqarpoq.

- Tikinniarunnaarnera ajorinngilara. Oqallisaanerali avammut nittarsaassinerusutut isigaara, Nunarpummi eqqartorneqangaatsiarnera ajunngeqaaq. Taamaattoq Kalaallit Nunaannik pisiarinninniarnera akerleraara, politikkikkummi Danmarkimut atavugut, tuniniagaanngilagummi, Ivalu Mathiassen oqarpoq.

- Ajuusaarnarsinnaavoq, tassami niueqatigiinnermut immaqa iluaqutissiisinnaagaluarami. Uagutsinnut aamma sunniuteqanngitsoorsimanavianngikkaluarpoq. Oqariartuutai upperissanerlugit upperissannginnerlugilluunniit eqqarsarnartoqartippakka, Gerth Dahl Lennert oqarpoq.

Tasiilami anorersuarnissaanik aarlerisaarut

DMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...

Snow Fest-imi iluatsilluartumi nutaaliorsinnaaneq nuannaarutigineqarpoq

Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...

Powered by Labrador CMS