Nuummiut: Eurojackpotimut kupon misissoruk
Nuummi innuttaasoq Eurojackpotimi sapaatip akunnerata naanerani 1 milliuunit koruuninik pinnappoq. Pinnassimasoq suli Danske Spilimit attavigineqarsimanngilaq.
Danske Spil aqqutigalugu naalagaaffeqatigiinni aningaasanoortut marluk sapaatip akunnerata naanerani iluatsitsilluinnarput. Taakkumi europamiut allat marluk peqatigalugit pinnatassamik avitsipput, tamarmillu 1.069.369 koruuninik pinnallutik. Pinnatassat pingajuat pinnannermi agguarneqartoq, akileraaruserneqartussanngitsorlu, Danske Spil ilisimatitsivoq.
Pinnattoq ataaseq Nuummi Brugsenimi Eurojackpotimik pisimavoq. Taanna Eurojackpotimi kisitsisit tulleriiaat qulit tamakkerlugit pisiarisimavai. Naalagaaffeqatigiit iluanni pinnattup aappaa Hjørringimeersuuvoq.
Danske Spil tusagassiorfinnut nalunaaruteqarluni ilisimatitsivoq.
- Danske Spilip milliuuninnattut suli siunnersorumallugit attaveqarfiginngilai, taamaattoq pinnattut pilluaqquagut, Danske Spil tusagassiorfinnut nalunaaruteqarluni ilisimatitsivoq..
Aningaanoornermut ajornartorsiuteqaruit Allorfik saaffigisinnaavat. 52 53 43-imut sianersinnaavutit imaluunniit allorfik@allorfik.gl e-mailikkut allaffigineqarsinnaavoq.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...