Nuummiut 2022 naggaserlugu arpapput
Nuummi ukioq naggaserlugu arpannissamut peqataaniarlutik nalunaarsimasut 40-t missaanniittut, Brugsenip eqqaaniit sisorartartut illutaata NSP-p eqqaanut ullumi arpaqatigiipput.
Omkring 40 løbere løb med, da NAAPE holdt det årlige nytårsløb i Nuuk.
Leiff Josefsen
Ileqquulersimasoq malillugu Nuummi 31. december naggaserlugu arpaqatigiittoqarpoq. Mitaartut, arnat, angutit meeqqallu, Nuummi arpaqatigiinnissamut arlallit peqataapput.
Arpaqatigiittut 40-t missaanniittut, Brugsenip eqqaaniit nalunaaqutaq 12.00 aallarput. Sisorartartut illutaanni, NSP-mi arpaqatigiinneq naggaserlugu kransekagemik najoqqagassanillu sassaallertoqarpoq.
Arpaqatigiinneq akeqanngilaq.
Arpattut arlallit mitaarput. Sermitsiaq.AG-p assiliisua arpattunik malinnaavoq, assillu allaaserisap qulaani takusinnaavatit.
