Nuummit angalaqqusinnginneq atorunnaarsinneqarpoq
Nuummit nunap sinneranut angalaqqusinnginneq marlunngornermi atorunnaarsinneqarpoq. Mittarfiliortut mattusimatinneqarnerat atuukkallassaaq.
Ullumimit nalinginnaasumik Nuummit aallartoqarsinnaanngorpoq. Ilaatigut Sarfaq Ittuk ullaaq manna illoqarfimmut tikittoq kujammut angalanermini ilaasoqarsinnaassaaq.
Air Greenlandip nittartagaani marlunngornermi angalanissat arfineq-pingasut pilersaarutaasut takuneqarsinnaavoq, taakkunannga arfineq-marluk Kangerlussualiassapput. Kingulleq Ilulissanut.
Juunip 15-ianni Nuummit angalaqqusinnginneq atuutilerseqqinneqarpoq, angalaqqusinnginnerli aqaguani sakkukillineqarpoq, Kangerlussuarmit Danmarkimut angalanerit akuerineqarlutik.
Sapaatip-akunnerani kingullermi Nuummi misissuisarfik suliassaqaqaaq. Munck Gruppenimi sulisus aamma inuit aaqqissuussani tunillatsissimasup peqataaffigisimasaaniittut arlaleriarlutik misissortipput, tuniluuttoqarsimannginnera qulakkeerniarlugu.
Mattusimaffik attanneqarpoq
Oqartussat tuniluuttoqarsimannginneranik qulakkeerinnikkamik, illoqarfiit pingaarnersaata ullumi marlunngornermi ammarneqarnissaa aalajangiusimavaat.
Mattusimaffik mittarfiliorfiup nalaani killilerneqartoq, aamma Munck Gruppenimi sulisut najugaqarfigisaa, 2. juulip tungaanut matoqqatinneqarallarpoq. Mittarfiliortuni 4. juunimili nutaanik tunillatsissimasunik siumuisoqaqqinngilaq.
Suliffeqarfik oqartussanut oqaloqatiginninnissamik pilersaaruteqartoq, Munck Gruppen weekendimi nalunaaruteqarpoq, taamaalilluni sulisut suliat tamarmik aallarteqqinniassammatigit.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...