Nuummioq ukiup ilusilersuisartuisut qinigaasut

Aviaaja Ezekiassen Københavnimi Design Awardseqartoqarnerani Ukiup ilusilersuisartuatut qinigaavoq. Issiaviliani,'Paddle Chair', nersornaasisitsissutigaa.

Issiavik kalaallit paataannik allalersugaq. Issiavik taanna Design Awards Københavnimi Bellevueteaterimi ingerlanneqarmat, Ukiup ilusilersuisartuatut Aviaaja Ezekiassenip toqqarneqaatigaa.

- Ingasak! Nuannaarpunga, tulluusimaarpunga, ataqqinaatitut tiguara maniguullungalu! ilusilersuisartoq Facebookimini allappoq.

Aviaaja Ezekiassenip issiavik 'Paddle Chairarluni Qajartorluni' imaluunniit 'Paarluni Qajartorluni' kisiat ilusilersorsimanngilaa, aammali issiavik Statens Værkstederimiinnermini nammineq sanasimallugu.

Isuma taanna pillugu ima allappoq:

- Kalaallit Nunaanni qanga taamaallaat qissiaqartarsimavoq, taakkulu nalitoorujussuusarlutik.

- Qissiaq assigiinngitsunut atorneqartarsimavoq, soorlu paatinut. Paatit qissiarlu paarilluarumallugit sinaa nuuilu saanernik qallerneqartarsimapput.

- Paatit tassaapput kalaallip piniartup sakkui pingaarnersaat, kalaalerli maanna qaannami issiaannanngilaq.

- Issiaviuvoq.

Powered by Labrador CMS