Nuummiit Kapisilinnut ATV-nut aqqut
Kommuneqarfik Sermersooq aalajangersimavoq, illoqarfiit pingaarnersaanniit nunaqarfimmut Kapisilinnut, Nuup Kangerluata ilorpiaaniittumut ATV-nut aqquserniortoqarsinnaanersoq misissorneqassasoq
Tamanna missingersuusiornermi isumaqatigiissummi, illoqarfiit pingaarnersaata kommuniani partiit tamarmik, Siumut kisiat minillugu, tallimanngormat unnukkut aappaagu aningaasaqarnissaq pillugu isumaqatigiissutigisaanni takuneqarsinnaavoq.
Illoqarfiit pingaarnersaanni ukiut sisamat qaangiuppata timmisartoqarfissap piareerneqarnissaanut atatillugu, nunaqarfimmut ATV-nut aqquserniortoqarpat sunik unammilligassaqartoqarsinnaanersoq misissorneqassasoq aalajangiunneqarsimavoq.
Inuussutissarsiorneq pillugu Siunnersuisoqatigiit
- Aningaasat taamatut pilersitsisoqarnissaanut atorneqartussat missingersuutaareersuniippput. Misissueqqissaarneq 2020-p ingerlanerani naammassineqarnissaa naatsorsuutigineqarpoq, taamaalillunilu missingersuutit 2021-moortut suliarineqarnissaannut inernera saqqummiunneqarsinnaassaaq, isumaqatigiissummi taamatut allassimasoqarpoq.
Partiit aappaagumut missingersuutinik isumaqatigiissuteqartut aamma isumaqatigiissutigaat, illoqarfinni tamani, Nuummi, Tasiilami Paamiunilu takornariaqarnerup siuarsarneqarnissaa kommunimilu inuussutissarsiorneq pillugit inuussutissarsiorneq pillugu siunnersuisooqatigiinnik pilersitsisoqassasoq.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...