Nuummiit aallaqqusaannginneq sapaatip akunneranik ataatsimik sivisussuseqassaaq
Nuummiit nunap sinneranut aallaqqusaannginneq sapaatip akunnerani ataatsimiugallartoq atuutissaaq, tassa tuniluuttoqarnera allanngussanngippat. TunillaassortunikNappaalanersuaqarneranut Ataatsimiititaliarsuarmit misissorneqarpoq, tamatuma nalaani Nuummiit Danmarkimut angalasoqartarsinnaassanersoq.
Oqartussat ippassaq illoqarfiit pingaarnersaannik matusillutik nalunaaruteqareerlutik, killilersueqqilerneq pillugu allanik paasissutissiipput. Nuummiit nunami sumiiffinnut allanut aallaqqusaannginneq juunip 22-ata tungaanut ulluni arfineq-marlunni atuukkallassaaq.
Nuummili tuniluuttoqarnerata qanoq innera apeqqutaalluni aallaqqusinnginneq tamakkiisumik ilaannakortumilluunniit atorunnaarsinneqarsinnaavoq, Kalaallit Nunaanni Politiit killilersuineq pillugu tusagassiorfinnut nalunaaruteqarlutik allapput.
Tunillaassortunik Nappaalanersuaqarneranut Ataatsimiititaliarsuup aamma misissorniarpaa, Nuummiit Danmarkimut angalasoqarsinnaanerata qanoq ammaaffigineqarsinnaanera. Tunillaassortunik Nappaalanersuaqarneranut Ataatsimiititaliarsuup peqqussutip sakkukillineqarnissaanut sukannernerulernissaanulluunniit tunngavissaqarnersoq nalilersortuassavaa, Kalaallit Nunaanni Politiit ilisimatitsipput.
Mattusimaffiutinneqartoq atuutiinnassasoq
Nuummiit allaqqusisoqannginnerata saniatigut Munck Gruppenimi sulisut najugaqarfianit timmisartoqarfiliorfimmiillu tuniluunneq siaruatsaaliorniarlugu mattusimaffiutinneqartup atuutsinneqarnera sivitsorneqarpoq.
Peqqinnissatigummi sulisut nalilersimavaat, mattusimaffimmi Covid-19 atuuttoq, taamaammallu mattusimaffimmit avammut attaveqartoqarsinnaanera sapinngisamik pinaveersaartinniarlugu sivitsuisoqartariaqartoq.
Munck Gruppenimit pingasunngormat ilisimatitsissutigineqarpoq, najugaqarfimmi juunip sisamaanili tunillatsittoqarsimanngitsoq, aamma sulisut juunip qulinganili misissorteqqimmata. Sulisut juunip 18-iani misissorteqqissapput
Siusinnerusukkut angalaqqusisimannginneq assigalugu, illoqarfimmi innuttaasut Nuummiiginnarsinnaagaluarluik, suli imaatigut angalaarsinnaapput, qaqqani pisuttuarsinnaaput assigisaannilluunniit tammaariarsinnaallutik.
Taamaallaalli piumasaqaataavoq, najuqarfinnut allanut, soorlu nunaqarfinnut tikissimanatik Nuummut utertarnissaat.
Peqqussut nutaaq atuarneqarsinnaavoq UANI
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...