Nuummi Uumasut nalliussisut: Ukiut pisoqarfioqisut qulit
2013-imi aallartinnerminiilli peqatigiiffik Donnas Dyreklinikkimi, Nuummi Uumasuni, tunuliaqutaasoq inerissimavoq inuiaqatigiinni ataavartutut inissilluni. Naak ingerlalluaraluartoq peqatigiiffik kajumissutsiminnik sulisut uumasunut nakorsiartarfimmik ingerlatsiniarlutik peqatigiiffimmi sulinissaminnut piffissaqartut amerlassusaanniit nukittunerunngilaq.
- Isumaqarpunga maani uumasut nakorsaqartariaqartoq uppernarsisimagipput. Uumasullu atugarissaarnissaat paasineqanerulersimalluni.
Taama Nuummi Uumasut Nuummi uumasunut nakorsiartarfimmik Donnas Dyreklinikkimik ingerlatsisut peqatigiiffiani tapersersuisuni ukiuni arlalinni siulittaasuusoq Tom Amtoft oqarpoq.
Aviisi AG taama allappoq.
Ukioq manna marsimi peqatigiiffik ukiunik qulinngortorsiussaaq. Akunnaalliliineq kingusinnerulaartukkut nalliussineqassaaq upernarnerulaalissappat maajip qaammataani. Siulersuisut pilersaarutigaat akeqanngitsumik qimmiutimik misissortinnissaat allanillu neqerooruteqarluni uumasunik passussilluarnermut tunngasunik.
Ullumikkut nakorsiartarfeqarneranut kajumissutsiminnik ilungersuuteqartartut peqqutaapput, ukiut qulit matuma siornagut Bank Nordikip iniutaanni innuttaaasunik ataatsimiisitsinermi takkuttut. Tunngaviuvoq uumaasunut inissiiviup uumasut napparsimasut isumagisinnaajunnaarmagit imaluunniit isumagerusunnagit. Innuttaasunik ataatsimiisitsinerup kinguneraa peqatigiiffimmik Nuummi Uumasunik pilersitsineq, siunertarineqarluni Nuummi uumasunut nakorsaqarnissaa uumasunullu nakorsiartarfeqarluni akuerisaasumik, nalinginaasunik inuunermillu annaassisinnaasumik iliuuseqarsinnaasumik.
- Uumasut atugarissaartut uumasunik peqqissunik aallartittarpoq, Tom Amtoft oqarpoq.
Aviisimi AG-mi atuarnerusinnaavutit. Aviisi uani pissarsiariuk:
