uranimik oqallinneq

Nuummi uranimut akerliussutsimik takutitseqqittoqalersoq

Peqatigiiffik Uran? Nej Nuuk sisamanngorpat akerliussutsimik takutitsinissamut aggersaavoq

Inatsisartuni amerlanerussuteqaqqalaartut uranisiorsinnaanissamut angermata, apriilimi innuttaasorpassuit akerliussutsimik takutitsipput

Kalaallit Nunaanni innuttaasut uranimik piiaanissamut angernerlutik naaggaarnerlutilluunniit taasitinneqarnissaat piumasaralugu, sisamanngorneq 19. maj nalunaaqutaq 16.30 Nuummi akerliussutsimik takutitsisoqassaaq.

Atuaruk: Uranimut taasititsinissaq pillugu sivisuumik akerliussutsimik takutitsisoq

Inatsisartuni oqallinneq
Tamanna pillugu Inatsisartut oqallinnissaat ullormik ataatsimik sioqqullugu akerliussutsimik takutitsineq pissaaq. Tassani partiip illuatungiliuttup Inuit Ataqatigiit innuttaasut taasitinneqarnissaat pillugu siunnersuutaat Inatsisartut aappassaaniissavaat.

Peqatigiiffik 'Uran? Nej Nuuk' akerliussutsimik takutitsinermut aaqqissuisuuvoq.

Akerliussutsimik takutitsinissaq Nuummi Kateriffik Amisuniit aallartissaaq, ingerlaaqatigiittullu 8. apriilimi akerliussutsimik takutitsisoqarnerani ingerlaarfigisap ilaa aqqusaarneqassaaq, aaqqissuisut ilisimatitsipput.

Atuaruk: Sumiiffinni 8-ni uranimut akerliussutsimik takutitsissamaartut

Tusaaniarneqassasut neriorsuutaasoq
- Inatsisartunut kingullermik 2014-mi qinersisoqarmat qinersisartorpassuit eqqaamassagunarpaat qineqqusaarnermi innuttaasut urani pillugu tusaaniarneqarnissaat qineqqusaarnermi ilaatigut sammineqartoq neriorsuutigineqarlunilu. Tamannarpiarlu Inatsisartut ataatsimiittarfianni manna tikillugu partiit naalakkersuisuutitaqartut tunuliaqutaannit suli piviusunngortinneqanngilaq, peqatigiiffiup siulittaasua Erik Jensen, tusagassiuutinut nalunaarummi naqissusiivoq.

Atuaruk: Uranimut akerliussutsimik takutitsinermit video takujuk

Kiffaanngissuseqartut
- Eqqaamassavarput Inatsisartuni ilaasortat namminneq inuttut nalunngeqatiginnissusertik tunngavigalugu kiffaanngissuseqarlutik ataasiakkaarlutik taasisinnaanertik atortuarsinnaagaat. Kaammattuutigerusunnarporlu Inatsisartuni 20. maj 2016-mi urani pillugu oqallinnissami isummernialerunik akisussaassuseqartumik taamaaliussasut, siulittaasoq ilanngullugu oqarpoq.

Assit takukkit: Ilulissani uranimut naaggaartut

Powered by Labrador CMS