Nuummi unnuaq pinngitsaaliisoqartoq

Nuummi Politiit Hotel Hans Egedep tunuani arfininngornermi ullaassakkut nal. 04.00 aamma 04.30 pinngitsaaliinermut ilisimannittussarsiorput

Nuummi Politiit arfininngornermi ullaassakkut nal. 04:27 arnap Nuummeersup 41-nik ukiullip, Hotel Hans Egedep silataani nal. 04.00 aamma 04.30 akornanni taxanik utaqqisup, pinngitsaalineqarsimaneranik nalunaarfigineqarput.

Angutip arnaq aalariarnaveerlugu tigusimavaa nusukarlugulu akunnittarfiup tunuanukaallugu, tassanilu saassullugu tukertarlugu qunusaarlugulu, tamatumalu kingorna pinngitsaalillugu arneriffigalugu.

Arnaq arlaleriaqaluni ”naameertorluni” nipituumik nilliasarsimagaluarpoq.

  • Pinngitsaaliisoq ima oqaluttuarineqarpoq:
  • Angut, kalaaleq
  • 165 cm-init angineq
  • Tuattoq
  • 40-t inorlugit ukiulik
  • Qernertunik siunermikkut kipparinnilinnik, sioquteqanngitsunik, nujalik
  • Ilaatigut taartunik atisaqarpoq qularnanngitsumillu kamippaqarluni

Nuummi Politiit ilisimannittunik, saassussinermik tusaasaqarsimanngikkunik takusaqarsimasunik, imaluunniit angummik pineqartumik tamaani angalaartumik maluginiagaqarsimasunik, angummillu kinaassusersiisinnaasutut ilisarinnissinnaasutulluunniit isumaqartunik, saaffiginneqqusipput.

Sapinngisamik piaartumik saaffiginniffissaq tassaavoq politiini pigaartut oqarasuaat 701448 aqqutigalugu, imaluunniit Nuummi politeeqarfimmut nammineq ornigunnikkut.

Powered by Labrador CMS