Nuummi ujaasisoqartoq: 48-nik ukiulik tammaaneqarpoq
Angut 48-nik ukiulik illoqarfiit pingaarnersaanni ujaarineqarpoq. Angut taanna juunip 19-iani kingullermik takuneqarsimavoq.
Politiit qatserisartullu Nuup Qinnguani maannakkorpiaq ujaasileruttorput.
Oqartussat 48-nik ukiulik Nuka Zeeb Jerimiassen Nuup Qinnguani juunip 19-iani unnukkut angerlarsimaffimminiittoq kingullermik takuneqarsimasoq ujaarivaat:
- Nuup Qinnguani innuttaasut qinnuigineqarput, quiminni kælderiminnilu misissueqqullugit. pigaartut pisortaat Preben Kleist SermitsiaqAG-mut oqarpoq.
Pigaartut pisortaata oqaluttuaraa, angutip aappaa kingulliulluni angummik tammaaneqartumik attaveqarsimasoq.
Politiit tammaaneqartup oqarasuaataa sumiinnersoq paasiniarlugu paasissutissanik pissarsiniarsimallutik, ujaasinerli maannamut suli iluatsinneqanngitsoq oqaatigalugu. Oqarasuaat maanna qaminngavoq.
Innuttaasut tammaaneqartoq pillugu paasissutissaateqarsinnaasut politiinut 70 14 48 aqqutigalugu saaffiginnissinnaapput.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...