Nuummi tunillatsissimasut marluk paasineqarput
Nuummi tunillatsissimasut marluk ataasinngornermi paasineqarput. Tunillaassuuffiit ataqatigiittut sisamat maanna ilisimaneqalerput, tunillatsissimasunullu qanillivallaarsimasut maanna paasiniarneqarlutik.
Nuummi innuttaasunik misissuisoqarnerani tunillatsissimasut marluk nutaat ataasinngornermi paasineqarput.
Corona pillugu suleqatigiit Sermitsiaq.AG-mut ilisimatitsipput.
- Tunillatsissimasoq ataaseq tunillatsissimasunut ilisimariikkatsinnut attuumassuteqarpoq, tunillatsissimasup aappaa tunillatsissimasunut suli ilisimanngisatsinnut attuumassuteqarsimassaaq. Taamaammat tunillaassuunnerit attuumassuteqartut sisamat maanna ilisimalerpagut, nunatta nakorsaanera Henrik L. Hansen oqarpoq.
Tunillatsissimasut maanna mattusimapput, qanillivallaarsimasinnaasunillu misissuinerit aallartinneqareerlutik.
Tunillatsissimasut aatsaat taama amerlatigaat
Nuummi tunillatsissimasut maanna aqqaneq-marluupput. Tunillatsissimasullu nuna tamakkerlugu 30-ullutik. Tunillatsissimasut sumiinneri corona.nun.gl-imi atuarsinnaavatit.
Coronap nunarsuaq tamakkerlugu tunillaassuutilerneraniilli aatsaat taama amerlatigisut nunatsinni tunillatsissimapput.
Nuummi innuttaasut sumiiffinni arlalinniissimasut sapaatiummat kaammattorneqarput misissortikkiartoqqullugit.
Innuttaasut arlalissuit misissuisarfiup ammanerani 12.30-15.30 misissortikkiartorput. Nakorsaanerup ataasinngornermi tusagassiortunik katersortitsinermi erseqqissaatigaa akiuussutissamik kapitissimanngitsut, ataasiaannarlutilluunniit kapitissimasut misissorneqaqqaarnissaat pingaaruteqarluinnartoq, taakkuummata coronavirusimik tunillatsinnissamut aarlerinartorsiornerusut.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...