Inuusuttut sisamat, Nuummi tillinniarnernut marlunnut pasisat politiit tallimanngornermi ullaassakkut tigusaraat.

Pigaartut pisortaat Malik Olesen oqaluttuarpoq marluk 18-nik sinnerlugilluunniit ukioqartut, ataaseq suli 18-iliisimanngitsoq sisamaallu 15-it ataallugit ukioqartoq.

Inuusuttut sisamat politiinit ullaassaq naammattoorneqarsimapput, pigaartullu pisortaat oqaluttuarpoq neriniartarfinni marlunni tillitaasinnaasunik tigummiarsimasut.

Illoqarfiup qeqqani neriniartarfimmi tillinniartoqarsimaneranik politiit nalunaarfigineqareersimapput. Politiit paasiniaanerminnut atatillugu neriniartarfik alla aamma tillinniarfigineqarsimasoq paasivaat, tillitaasinnaasullu ilaat inuusuttut aamma paarigaat paasisimallugu.

Politiit angalaartut takussaanerussapput

Inuusuttut tigusarineqartut sulianut allanut attuumassuteqarnersut politiinit maanna paasiniarneqarpoq, inuusuttullu killisiorneqareerpata ukiukinnerusut akisussaasuinut tunniunneqarumaartut oqaatigineqarpoq.

Malik Olesen oqaluttuarpoq Nuummi aserorterisoqartarnera piffissami kingullermi akulikissimasoq, taamaammat politiit unnukkut unnuamilu angalaartut amerlineqarput.

Pasinarsinnaasunik takunnittut politiinut tamatigut nalunaartassasut, politiit innuttaasunut kaammattuutigaat.

Nutaarsiassat

Nunarnga Kangia: Meeqqat naligalugit Tunup nalliuttorsiutigineqarnera

Tasiilap qeqqani Tasiilami Alivarpi, illoqarfimmi meeqqat atuarfiat aamma Ammassallip Katersugaasivia immikkuullarissumik suleqatigiillutik isumassarsiorluarfiusunik eqqumiitsulianik...

Pinasuartumik ikiuisarneq pillugu iluatsilluartumik pikkorissartitsinerup kingorna Sermersuumi sulisut nukittunerulerput

Qaammat novembarip aallartilaarnerani Kommuneqarfik Sermersuumi sulisut ulluni marlunni annertusisamik pinasuartumik ikiusarneq pillugu pikkorissarneq naammassivaat. Kommunimi sulisut...